ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი მორიგ პოსტს აქვეყნებს, სადაც 12 თებერვლის ასტროლოგიურ პროგნოზს გვიზიარებს:
„🌝 ჰოროსკოპი — 13 თებერვალი
🌝 მთვარის დღე — 25 / 26
🌒 მთვარის ფაზა — კლებადი მთვარე თხის რქაში
♈️ ვერძი
დღეს ვერძებისთვის ყველაზე წარმატებული იქნება ნაცნობი, რუტინული საქმეები. ახალი დავალებები უმჯობესია სხვა დღისთვის გადადოთ. თუ რამე გაღიზიანებთ, ეცადეთ მშვიდად რეაგიროთ და არ ინერვიულოთ. ზედმეტად ემოციურმა კომუნიკაციამ შეიძლება უარყოფითად იმოქმედოს თქვენს თვითშეგრძნებაზე.
♉️ კურო მშვიდი და სასიკეთო დღეა ურთიერთობებისთვის. 13 თებერვალს მეტი დრო დაუთმეთ საკუთარ საჭიროებებს: გაისეირნეთ მაღაზიებში, საღამო გაატარეთ აუზში ან ეწვიეთ დამამშვიდებელ მასაჟს. გაიმაგრეთ იმუნიტეტი და დაიცავით ჯანსაღი ცხოვრების წესი.
♊️ ტყუპები ენერგია მაღალ დონეზეა, თუმცა ვარსკვლავები გირჩევენ, ბევრ საქმეს ერთდროულად არ მოჰკიდოთ ხელი — აირჩიეთ მთავარი და ბოლომდე მიიყვანეთ. იმუშავეთ თქვენთვის კომფორტულ რიტმში და ძალები დღის ბოლომდე შეინარჩუნეთ. ახალი ნაცნობობა დადებით ემოციებს მოგიტანთ.
♋️ კირჩხიბი არასასურველი დღეა ახალი საქმის დასაწყებად და უცნობ სფეროებში ჩასართავად. ყურადღება გადაიტანეთ რუტინულ საქმეებზე და დაასრულეთ დაწყებული პროექტები. ნუ იჩქარებთ — გადაანაწილეთ დავალებები და იმოქმედეთ თქვენთვის მოსახერხებელი ტემპით.
♌️ ლომი მიზნების მისაღწევად გამოიჩინეთ მოთმინება და დაჟინება. შესაძლოა ყველაფერი პირველივე ცდაზე არ გამოვიდეს, თუმცა საბოლოოდ წარმატებას მიაღწევთ. მოსალოდნელია პატარა სასიამოვნო სიურპრიზებიც. დღე ახალი პროექტის დაწყებისთვისაც ხელსაყრელია.
♍️ ქალწული ეცადეთ, ჩვეულ რეჟიმს არ გადაუხვიოთ და იმოქმედოთ ნაცნობი მეთოდებით. ამ ეტაპზე ცვლილებებმა შესაძლოა უფრო მეტი სირთულე მოიტანოს. გადაწყვეტილებები სწრაფად მიიღეთ და რთული საქმეების არ შეგეშინდეთ — თქვენი აქტიურობა კარიერაზე დადებითად აისახება.
♎️ სასწორი დაძაბული დღეა, როდესაც პრობლემები შეიძლება მოულოდნელად გაჩნდეს. ყურადღებით აკონტროლეთ მნიშვნელოვანი საკითხები. ფული დაზოგეთ და ზედმეტ ხარჯებს მოერიდეთ, რათა ფინანსური მდგომარეობა არ გაუარესდეს.
♏️ მორიელი თქვენი დიპლომატიურობა და გარემოებებთან ადაპტაციის უნარი დაგეხმარებათ უსიამოვნებების თავიდან აცილებაში. იყავით მეგობრული და არ გაღიზიანდეთ წვრილმანებზე. შეიკავეთ თავი ზედმეტი შესყიდვებისგან.
♐️ მშვილდოსანი დღე შეიძლება ნეგატიური ტენდენციებით გამოირჩეოდეს, ამიტომ უმჯობესია დაკავდეთ ნაცნობი საქმეებით. საქმიანი განხილვები და მოლაპარაკებები წარმატებული იქნება. კოლეგების დახმარება შედეგს უფრო სწრაფად მოგიტანთ.
♑️ თხის რქა იმოქმედეთ წესების მიხედვით და მოერიდეთ ექსპერიმენტებს. ენერგია შესაძლოა ნაკლები იყოს, ამიტომ რთული საქმეების დაწყება არ არის სასურველი. იარეთ ნაბიჯ-ნაბიჯ და შეამცირეთ კომუნიკაცია.
♒️ მერწყული დღეს უპირატესობა მიანიჭეთ მარტივ და ნაცნობ საქმეებს. ახალი პროექტები და მნიშვნელოვანი საუბრები უმჯობესია გადადოთ. ყველა გადაწყვეტილება კარგად გააზრებული უნდა იყოს.
♓️ თევზები გაატარეთ მშვიდი დღე, მოერიდეთ ემოციურ გადაღლას. დაასრულეთ ყოველდღიური წვრილმანი საქმეები და ენდეთ ინტუიციას — ის სწორ გზას გაჩვენებთ. არ დაგავიწყდეთ დასვენება და შესვენებები“, - წერს თაკო მელიქიშვილი.
ასევე დაგაინტერესებთ:
⭕„შესაძლოა შეცდომას უშვებ და ვერც კი ამჩნევ...“ - რატომ არ მუშაობს რიტუალი?
⭕„გამარჯობა საყვარელო ხალხო“ - გოჩა ჩერტკოევი მეუღლესთან ერთად პოზირებს
⭕„უდახვეწილესი, შეუდარებელი გოგო“ - ნუცა ბუზალაძე ელეგანტურ ლუქში პოზირებს
