ასტროლოგი ხათუნა ნოელი მიმდინარე პერიოდის ასტროლოგიურ პროგნოზს აქვეყნებს და აღნიშნავს, რომ 8 სექტემბრამდე კონკრეტულ რიცხვებში დაბადებულ ადამიანებს კარმული ვალების გასტუმრება მოუწევთ:
„მინდა პატარა (ან შესაძლოა არც ისე პატარა) გაფრთხილებასავით გავაკეთო, მეგობრებო.
მიმდინარე პერიოდში ცაზე სატურნისა და კარმული კვანძების დაძაბული ასპექტები მეტად არასასიამოვნო კონფიგურაციას (ტაუ-კვადრატს) ქმნიან.
ეს ფიგურა კუროს, მორიელის და მერწყულის ზოდიაქოების ტერიტორიაზე იკვრება და კარმული ვალების გასტუმრებას აიძულებს იმ ადამიანებს, ვინც თებერვლის 9-19 , მაისის 6-13 და ნოემბრის 7-14 რიცხვებში არიან დაბადებული.
ტაუ-კვადრატი 8 სექტემბრის ჩათვლით იქნება ძალაში. ამ პერიოდში კატეგორიულად მიუღებელი და დასჯადი იქნება თქვენგან ნებისმიერი კანონდარღვევა, პასუხისმგებლობიდან თავის არიდება, ვალდებულებების არ შესულება, შინაგანაწესების არ დაცვა, უფროსების მიმართ უპატივცემლობის გამოხატვა.
თუმცა სამყარომ შესაძლოა ახლა გაფუჭებულ საქმეებზე კი არა, ძველ ცოდვებზეც მოგკითხოთ პასუხი. მოგეხსენებათ ალბათ, რომ სატურნი დამსჯელი პლანეტაა, და მით უმეტეს, როდესაც ის კარმულ კვანძებთან მოდის შეხებაში, კიდევ უფრო მეტ სიმკაცრეს იჩენს.
ასევე მინდა აღვნიშნო, რომ მართალია, ჯერჯერობით, სატურნისა და ურანის დაძაბული ასპექტი არ გვაქვს ( ის მხოლოდ სექტემბრიდან ჩაირთვება), მაგრამ რადგანაც აღმავალი კარმული კვანძი მთელი ამ ხნის განმავლობაში ურანთან იქნება შეერთებული, სატურნს ირიბად მაინც გადასცემს თავის ენერგიას. შედეგად, სექტემბრამდეც და მის შემდგომაც, ჩვენ ძალიან ბევრ თანამდებობის პირზე მოვისმენთ, რომ თბილი სავარძლის დატოვება მოუწია.
აგერ, მე მითქვამს და დანარჩენი თანდათან გამოჩნდება....“, - წერს ხათუნა ნოელი.
ასევე დაგაინტერესებთ
🎥 ბაგრატ ჟღენტმა მსოფლიო რეკორდი დაამყარა - მან კბილებით 47 ტონა გასწია
