„დღევანდელი დღის მმართველი პლანეტა მარსია, ეს დღე საკმაოდ აქტიური, ენერგიული იქნება. მთავარია იყოთ მიზანსწრაფულები. შეგიძლიათ ძალის დემონსტრირება, არ იყოთ პასიურები“, - ამის შესახებ გადაცემაში „დილა მშვიდობისა საქართველო“ ასტროლოგმა და ეზოტერიკოსმა ნინა სუსლოვამ ისაუბრა.
რაც შეეხება ზოდიაქოს თითოეულ ნიშანს, მათი 17 ივნისის ასტროლოგიური პროგნოზი ასე გამოიყურება 👇
ვერძი - კარიერული მიმართულებით საინტერესო დღეა, გადადგით ახალი ნაბიჯები, ნუ აჰყვებით ემოციებს. შესაძლოა საინტერესო პერსპექტივები გამოგიჩნდეთ.
კურო - სწავლისთვის იდეალური დღეა, შეგიძლიათ წარსულ ქმედებებს დაუბრუნდეთ. კარგი დღეა მოგზაურობის დასაგეგმად.
ტყუპები - უმჯობესია არ იყოთ ზედმეტად აქტიურები, დააკვირდით ირგვლივ მყოფ ადამიანებს. ინტუიცია გიკარნახებთ ვის ენდოთ და ვის არა, ფინანსური საკითხების მოსაგვარებლად კარგი დღეა.
კირჩხიბი - ემოციური დღეა, განსაკუთრებით პირად ურთიერთობებში. ეცადეთ გაუგოთ, დაიცვათ ბალანსი, მოუსმინოთ და თქვენც გულახდილები იყოთ.
ლომი - გჭირდებათ ორგანიზებულობა, ამიტომ დღის გეგმა განსაზღვრეთ. კარგი იქნება შემოქმედებითი საქმიანობა.
ქალწული - თქვენი დღის წესრიგში პარტნიორული ურთიერთობები დადგება. ახალი ადამიანები, შესაძლებლობები გამოჩნდება. ინტუიციას ენდეთ. მეტი დრო და ყურადღება შვილებს დაუთმეთ.
სასწორი - იზრუნეთ საკუთარ შინაგან მდგომარეობაზე და იპოვეთ ბალანსი. შემოიტანეთ მეტი კომფორტი. ნებისმიერი ქმედება, რასაც განახორციელებთ, უნდა იყოს საკუთარი თავისთვის.
მორიელი - აქტიური დღეა. ნებისმიერი მოლაპარაკება, შეხვედრა იქნება ხელსაყრელი. შეგიძლიათ გადადგათ ნაბიჯები.
მშვილდოსანი - კარგი იქნება თუ ფინანსებს გადახედავთ, შეიტანეთ ცვლილებები. შესაძლებლობა მოგეცემათ დეტალების გამოსწორების, ანალიზის.
თხის რქა - საინტერესო დღეა პიროვნული განვითარებისთვის. შეგიძლიათ შეიტანოთ რაღაც ახალი ცხოვრებაში, განვითარდით და ასწავლეთ თქვენს თავს რაღაც ახალი.
მერწყული - ემოციურები იქნებით, დაგჭირდებათ განმარტოება და ენერგიის აღდგენა. არ არის სასურველი ბევრი საქმის საკუთარ თავზე აღება.
თევზები - აქტიური იქნებით, შეხვდებით მეგობრებს, გამოჩნდებიან ახალი ადამიანები, ვინც გავლენას მოახდენს თქვენს ცხოვრებაზე.
ასევე დაგაინტერესებთ:
⭕როგორი ამინდია მოსალოდნელი დღეს საქართველოში? - პროგნოზი ქალაქების მიხედვით
