კვირის იღბლიანები 25-დან 31 მაისამდე - აღნიშნულ საკითხზე ვრცელ პოსტს ეზოტერიკოსი თამუნა იოსელიანი აქვეყნებს და ორ ფავორიტ ნიშანს ასახელებს:
კვირის იღბლიანები 25-დან 31 მაისამდე: სულ ორია, სკამს მაგრად ჩაეჭიდეთ.
მაისის ფინალური კვირა, რბილად რომ ვთქვათ, არ იქნება კატეგორიიდან „ვწევარ, ჩაის ვსვამ, ცხოვრებას ვუყვარვარ“.
ენერგიები საკმაოდ დაძაბულია: მოსალოდნელია კონფლიქტურობა, ტრავმატულობა, უცნაური შემობრუნებები და შეგრძნება, თითქოს სამყარომ კვლავ გახსნა სცენარი ნიშნით: „მოდით, ცოტა დრამატურგია დავამატოთ“. მაგრამ ამ კოსმოსურ ცირკს შორის ორი იღბლიანი მაინც არის. დიახ, მთელი ორი. ბევრს ნუ მოვინდომებთ.
♏️ მორიელები და ♒️ მერწყულები
სწორედ მზის მორიელებმა და მერწყულებმა, ასევე მორიელის ასცედენტის მქონე ადამიანებმა შეიძლება განსაკუთრებით იგრძნონ ეს კვირა. და არა, ეს არ ნიშნავს, რომ უბრალოდ ფულს, სიყვარულს და ბალიზე შვებულებას გაჩუქებენ. ლამაზი კი იქნებოდა, მაგრამ დიდები ვართ.
ეს კვირა შეიძლება არ იყოს მარტივი, მაგრამ ძალიან მნიშვნელოვანი იქნება. მოვლენებმა შეიძლება გიბიძგოთ ცვლილებებისკენ, გადაწყვეტილებებისკენ და იმის დათმობისკენ, რაც დიდი ხანია ფსკერისკენ გექაჩებათ. დიახ, მოგიწევთ რაღაცის გაშვება.
შესაძლოა, ადამიანის. შესაძლოა, ძველი ჩვევის. შესაძლოა, ილუზიის, რომელსაც ისე მაგრად ეჭიდებოდით, თითქოს კომუნალურებს გიხდიდეთ. მაგრამ სწორედ ამის შემდეგ შეიძლება მოვიდეს დიდი შვება. რადგან ხანდახან ბედნიერება იწყება არა იმით, რომ რაღაც მოდის, არამედ იმით, რომ საბოლოოდ რაღაც მიდის.
👌 თუ ხედავთ ნიშნებს, რომ დადგა ძველის გაშვების დრო — ნუ შეეკამათებით სამყაროს. ის დღეს არ არის განწყობაზე, რომ დიდხანს გიხსნათ. გაუშვით. ამოისუნთქეთ და ნახეთ, როგორ შეიძლება ამის შემდეგ წარმატებული მოვლენების მთელი სერია ჩაირთოს. რადგან მორიელებისთვის და მერწყულებისთვის ეს კვირა უბრალოდ გამოცდა არ არის. ეს არის შანსი, გაათავისუფლოთ ადგილი ახალი დონისთვის.
მთავარია — ნუ ჩაეჭიდებით იმას, რაც თავად ითხოვს გასვლას. ნუ დაუჭერთ კარს მათ, ვინც დიდი ხანია სათადარიგო გამოსასვლელიდან გავიდა“, - წერს თამუნა იოსელიანი.
⭕ ასევე დაგაინტერესებთ:
🎥 „ურთიერთობები ახალ ეტაპზე გადავა“ - ივნისი და ზოდიაქოს ნიშნები: თაკო მელიქიშვილის ასტროპროგნოზი
⭕„თავიდან სხვა სტილის მოთამაშე ვიყავი, თუმცა ერთ რამეს მივხვდი“- ხვიჩა კვარაცხელია
⭕ „ჩვენს შიგნით საოცრებები ხდება...“ - რას ამბობს დეკანოზი თეოდორე გიგნაძე
