ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი მორიგ პოსტს აქვეყნებს, სადაც 21 ნოემბრის ასტროლოგიურ პროგნოზზე წერს:
„ჰოროსკოპი 21 ნოემბრისთვის
მთვარის დღე — 1 / 2
მთვარის ფაზა — მზარდი ნახევარმთვარე მშვილდოსანში
ვერძი
დღეს ურთიერთობები პირველ პლანზე გამოვა. ეცადეთ, არ მოტყუვდეთ — ზოგიერთმა ადამიანმა შეიძლება რამე დაგიმალოთ ან იუხეშოს. ყურადღებით მოუსმინეთ სხვებს და გააკონტროლეთ თქვენი სიმწვავე, განსაკუთრებით პარტნიორთან საუბრისას.
კურო
თუ დარწმუნებული ხართ, რომ მართალი ხართ, ნუ შეგეშინდებათ ხელმძღვანელთან კამათის. დღე კარგია მიმდინარე საქმეების მოსაგვარებლად, მაგრამ არა ახალი პროექტებისთვის. ენერგია ბევრია — ივარჯიშეთ. მიხედეთ პირად ცხოვრებას და მეტი დრო დაუთმეთ პარტნიორს.
ტყუპები
სიყვარულში შესაძლებელია ძლიერი, სასიამოვნო ემოციები. შესაძლოა პარტნიორისგან მიიღოთ საინტერესო წინადადება. დღეს თავი აარიდეთ ადამიანებით სავსე ადგილებს. კარგად წავა შემოქმედებითი საქმიანობა, ბავშვებთან ურთიერთობაც სიხარულს მოგიტანთ.
კირჩხიბი
მოემზადეთ დადებითი ცვლილებებისთვის სახლში. შესაძლოა რემონტი, სასიამოვნო სიახლე ან მნიშვნელოვანი სტუმრები. კარგი დღეა საერთო ბიუჯეტთან დაკავშირებული ფინანსური საკითხების მოსაგვარებლად. სამუშაოც პროდუქტიული იქნება.
ლომი
ენერგია ძალიან მაღალია. შეგიძლიათ დაიწყოთ ახალი სავარჯიშო რეჟიმი ან ისეთი საქმე, რომელიც გაძლევთ ოპტიმიზმს. კომუნიკაცია აქტიური იქნება, თუმცა მოსალოდნელია მცირე უთანხმოებები. ზეწოლას მოერიდეთ — თავდაჯერებულობა საკმარისია მიზნის მისაღწევად.
ქალწული
კარგი დღეა ფინანსური თემების განსასაზღვრად და ბიუჯეტის გასანაწილებლად. პრიორიტეტია საოჯახო ან სამუშაოს მიმდინარე საქმეები. მეტი ყურადღება მიაქციეთ ჯანმრთელობას — შესაძლოა, გადაწყვიტოთ გამოკვლევაზე წასვლა. პირადში სითბო იქნება მნიშვნელოვანი. სურვილის შემთხვევაში მოაწყვეთ რომანტიკული საღამო.
სასწორი
დღეს მოხდება რაღაც საინტერესო და დასამახსოვრებელი. მარტოხელებს ელოდება თავგადასავალი, დაოჯახებულებს — რომანტიკა. ნუ დაეხმარებით იმას, ვისაც ეს არ სჭირდება. გამოიყენეთ ენერგია სწორად. შემოქმედი ადამიანები მნიშვნელოვან წინსვლას შეძლებენ.
მორიელი
დააწესეთ ზღვარი ურთიერთობებში — რა არის ნორმალური და რა არა. ეს დაგიცავთ მომავალი უთანასწორობისგან და უხერხული სიტუაციებისგან. ყურადღება მიაქციეთ ახლობლებს — შეგიძლიათ თავი ოდნავ გაანებივროთ — თქვენ ამას იმსახურებთ.
მშვილდოსანი
თუ თავს მარტოსულად გრძნობთ, შესაძლოა დროა მნიშვნელოვანი ნაბიჯი გადადგათ — მაგალითად, შინაური ცხოველის აყვანა. ყურადღება გადაიტანეთ თქვენთვის მნიშვნელოვან საკითხებზე და ნუ გაფანტავთ ყურადღებას წვრილმანებზე. მოუსმინეთ მეგობრის რჩევას და ეწვიეთ ადგილს, რომელიც გირჩიეს.
თხის რქა
თუ გსურთ, რომ ხელმძღვანელობამ თქვენი შრომა შეაფასოს, მოეშვით საოჯახო საქმეებს და მთლიანად საქმეზე გადაერთეთ. დღეს ბევრის გაკეთებას შეძლებთ, რაც სხვებსაც გააოცებს. იყავით მშვიდი, მოერიდეთ კონფლიქტებს და არ დაამტკიცოთ თქვენი სიმართლე ძალისხმევით.
მერწყული
დღეს შეგიძლიათ დაგეგმოთ მომავალი მოგზაურობა — სასტუმროს დაჯავშნაც კი. მაგრამ ფრთხილად იყავით არასწორ ინფორმაციასთან. კარგი დღეა აუზის, წყალთან სეირნობის ან თეატრის, მუზეუმის მონახულებისთვის. ახალი შთაბეჭდილებები გამოგადგებათ.
თევზები
მეტი ყურადღება მიაქციეთ რეალობას — ის, რაც გინდათ, თქვენთან ახლოსაა, უბრალოდ ვერ ამჩნევთ. დაგეგმეთ მომავალი. დღეს მიღებულ არც ერთ გადაწყვეტილებას არ ინანებთ. მუშაობისას კი მონოტონურობამ შეიძლება შეცდომები გამოიწვიოს — იყავით ფოკუსირებული“, - წერს თაკო მელიქიშვილი.
ასევე დაგაინტერესებთ:
🎥 ამერიკაში შესრულებული „ჩემო კარგო ქვეყანა“ და აცეკვებული გია ჯაჯანიძე
