ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
ამჯერად ასტროლოგი ახალ სტატუსს აქვეყნებს, სადაც შემოდგომის ბოლო კვირის ასტროლოგიურ პროგნოზს გვიზიარებს:
„შემოდგომის ბოლო კვირა გველოდება, რომელიც თანდათან ათანაბრებს და არბილებს სივრცეს, რომელიც წინა კვირაში ურანული ასპექტებით იყო „აფორიაქებული“. ეს არის კვირა, რომელიც გვეხმარება „რბილად“ დავასრულოთ ის, რაც დასასრულს უახლოვდება და იმავდროულად - მშვიდად გადავეწყოთ ახალ (ზამთრის) ტალღაზე.
მთელი კვირა ვენერა მორიელის ძლიერი გავლენის ქვეშაა, რაც ეხება ცხოვრების ყველაზე ღრმა სფეროებს: სიყვარულს, ფინანსებს, ნდობასა და შიშებს.
კვირის დასაწყისი ხელსაყრელია რთული საკითხების მოსაგვარებლად, ხოლო ბოლო - მოულოდნელობებსა და კრიზისებს გვპირდება. თუმცა, რეტროგრადული მერკური ჯერ კიდევ გვაძლევს უნიკალურ შანსს, გადავხედოთ ძველ საკითხებს განახლებული ვარიანტით, ახალი გარემოებების გათვალისწინებით!
კვირის მთავარი ასპექტები:
25 ნოემბერი (სამშაბათი): რეტროგრადული მერკურისა და ვენერას შეერთება მორიელში ღრმა, საბედისწერო საუბრების დროა. ვუბრუნდებით გადაუჭრელ ფინანსურ საკითხებსა და წარსულის თემებს, რომლებიც გარკვევას მოითხოვს.
•პირადი დონე: შესაძლებელია აღიარებები, საიდუმლოების გამჟღავნება, შეთანხმებების გადახედვა. იდეალური დროა კრედიტების, მემკვიდრეობის, ბიუჯეტის განაწილების განსახილველად და მოლაპარაკებებისთვის, სადაც ლოგიკასთან ერთად ემოციური ჩართულობაც მნიშვნელოვანია.
•მუნდანური დონე: აქტიური კულისებს მიღმა მოლაპარაკებები სახელმწიფოებს შორის ვალების, რესურსებისა და საიდუმლო შეთანხმებების შესახებ. საგადასახადო და საბანკო სფეროების რეფორმების განხილვა.
26-27 ნოემბერი (ოთხშაბათი-ხუთშაბათი): ვენერას დიდი ტრიგონი სატურნთან და იუპიტერთან ეს კვირის ყველაზე სტაბილური და ჰარმონიული პერიოდია. გრძნობების სიღრმე (მორიელი) პოულობს პრაქტიკულ განხორციელებას (სატურნი) და მხარდაჭერას (იუპიტერი).
•პირადი დონე: ხელსაყრელი დროა ურთიერთობებისა და ფინანსური სფეროს სტაბილიზაციისთვის. იდეალურია იპოთეკის, ინვესტიციების საკითხების მოსაგვარებლად, ოჯახისგან ფინანსური მხარდაჭერის მისაღებად ან ქორწინების მყარ ფუნდამენტზე დასამყარებლად.
•მუნდანური დონე: გრძელვადიანი და მოგებიანი საერთაშორისო ხელშეკრულებების დადება რესურსების ერთობლივი გამოყენების შესახებ. უძრავი ქონების ბაზრის სტაბილიზაცია. წარმატებული სოციალური რეფორმები.
28 ნოემბერი (პარასკევი): ვენერას შეერთება ლილიტთან მორიელში. ყურადღება!
ცდუნებებისა და გამოცდების პიკი ურთიერთობებსა და ფინანსებში. სიყვარულის ბნელი მხარე - მესაკუთრეობა, შეპყრობილობა, წინა პლანზე გამოდის - ეჭვიანობა.
•პირადი დონე: მოერიდეთ სახიფათო კავშირებს, ფინანსურ ავანტიურებს, არაჯანსაღ ვნებას და შანტაჟს. გახსოვდეთ, რომ სასურველის საფასური შეიძლება ძალიან მაღალი აღმოჩნდეს.
•მუნდანური დონე: მსხვილი კორუფციული და სექსსკანდალები საჯარო პირების მონაწილეობით. კრიზისები ფინანსურ ინსტიტუტებში თაღლითობის გამო.
30 ნოემბერი (კვირა): ვენერას ოპოზიცია ურანთან - მოულოდნელობების დღე!
უეცარი, შოკის მომგვრელი მოვლენები პირად ცხოვრებასა და ფინანსებში.
•პირადი დონე: შესაძლებელია მკვეთრი გაწყვეტები, მოულოდნელი ღალატი, გაუთვალისწინებელი ხარჯები ან შემოსავლები. იმპულსური გადაწყვეტილებები დიდი შენაძენების ან ურთიერთობების შეწყვეტის შესახებ.
•მუნდანური დონე: მკვეთრი რყევები სავალუტო და საფონდო ბირჟებზე. ეკონომიკური ან პოლიტიკური კავშირების უეცარი გაწყვეტა ქვეყნებს შორის. სკანდალური გადადგომები ფინანსურ სექტორში.
კვირის მთავარი რეკომენდაციები:
1. გამოიყენეთ კვირის დასაწყისი (25-27 ნოემბერი): ეს საუკეთესო დროა პარტნიორებთან გულწრფელი საუბრებისთვის, ფინანსური სტრატეგიების გადასახედად და რთული, გრძელვადიანი საკითხების (უძრავი ქონება, კრედიტები) გადასაჭრელად.
2. მაქსიმალური გაცნობიერება (28 ნოემბერი): ჰკითხეთ საკუთარ თავს: „რა ფასის გადახდა მიწევს იმისთვის, რაც მინდა?". მოერიდეთ სიხარბესა და ვნებაზე დაფუძნებულ გარიგებებს.
3. შეინარჩუნეთ სიმშვიდე (30 ნოემბერი): მზად იყავით მოულოდნელი შემობრუნებისთვის. არ მიიღოთ იმპულსური გადაწყვეტილებები და გადადეთ მსხვილი შენაძენები.
4. უსმინეთ ინტუიციას: ახლა სჯობს ნატიფად მოუსმინოთ სამყაროს, რადგან ყველაზე მნიშვნელოვანი მინიშნებები შეიძლება სულაც არ იყოს აშკარა.
მთლიანობაში, კვირა უფრო ხელსაყრელია, ვიდრე წინა, მაგრამ სიფრთხილე მაინც გვმართებს!“, - წერს რამაზ გიგაური.
ასევე დაგაინტერესებთ:
