Digest Logo

„წარმატების, იღბლისა და სურვილების ასრულების დღეა!“ - თაკო მელიქიშვილი 19 ნოემბრის ენერგიებზე

1795064290
თაკო მელიქიშვილი

19 ნოემბერი დღე, როცა კომფორტის ზონიდან გამოსვლა წარმატებამდე მიგიყვანთ

ჩემო ძვირფასებო, დღეს წარმატების, იღბლისა და სურვილების ასრულების შესანიშნავი დღეა!

დღის ენერგიები: 1 • 4 • 5

19 ნოემბერი ხუთშაბათია, ხუთშაბათი კი იუპიტერის დღეა. სწორედ ის დღეა, როცა ფიქრობ: „ეს მინდა და აუცილებლად მივაღწევ!“ — და იუპიტერიც იღბალში გიწყობს ხელს.

რეტროგრადული „ამბები“ დასრულდა, ამიტომ ამოვისუნთქოთ და მხოლოდ კარგისკენ განვეწყოთ!

დღეს სპორტი აუცილებელია და ძალიან მნიშვნელოვანია. შეიძლება მოგინდეს მოდუნება, წამოწოლა და არაფრის კეთება, მაგრამ 4-ის მისიით დღის ასე გატარება არ ღირს.

დილიდანვე ჩართე საყვარელი მუსიკა, იცეკვე ან წარმოსახვით თოკზე იხტუნავე. ეს ენერგიის ამოქმედებაში დაგეხმარება და დღესვე დადებით განწყობაზე დაგაყენებს.

დღის განმავლობაში კიდევ ერთი ვარჯიში დაგეგმე — მინიმუმ 40 წუთით. თუ დარბაზში წასვლას ვერ ახერხებ, ჩართე ნებისმიერი ონლაინ ვარჯიში და ივარჯიშე სახლში.

დღეს შემოქმედებით საქმიანობასა და ნებისმიერ კრეატიულ პროცესს დაუთმე დრო. ხატე, იმღერე, იცეკვე, შექმენი რაიმე ლამაზი — ეს ყველაფერი მიზნებისკენ სვლაში დაგეხმარება.

აუცილებლად შეასრულე თვითპროგრამირების პრაქტიკა — კალმით, ფურცელზე. აკონტროლე ფიქრები და საკუთარ თავზე მხოლოდ კარგი თქვი:
„მე წარმატებული ვარ. მე ღმერთის საყვარელი შვილი ვარ. სიმდიდრესა და სიუხვეს ვიზიდავ. დიდი თანხა ჩემს ცხოვრებაში ძლიერი და თავდაჯერებული ნაკადით შემოდის.“

რეალიზაციაში 5 კომფორტის ზონიდან გამოსვლას მოითხოვს. დღეს კი თქვენთვის უჩვეულო დავალება მაქვს!

ქუჩაში შეარჩიე ადამიანი, რომელთან მისვლაც ცოტათი გაბედვას მოითხოვს, და სთხოვე:
„შეგიძლიათ კომპლიმენტი მითხრათ?“

შეგიძლია აუხსნა, რომ ეს დავალებაა, ექსპერიმენტია ან უბრალოდ დღეს კეთილი სიტყვის მოსმენა გჭირდება. მიზეზი ნებისმიერი შეიძლება იყოს — მთავარია, გაბედო და გააკეთო!

კომფორტის ზონიდან ეს პატარა ნაბიჯი ენერგიის ამაღლებაში დაგეხმარება, შემდეგ კი შესაძლოა საჭირო დროს საჭირო ადგილას აღმოჩნდე.

არ მოდუნდეთ: ივარჯიშეთ, აკონტროლეთ ფიქრები, იყავით შემოქმედებითები და გაბედული ნაბიჯები გადადგით!

იყავით ყველაზე ბედნიერები, წარმატებულები, საყვარლები და მდიდრები!

✕