ჰოლისტიკური მენტორი, ენერგოპრაქტიკების ტრენერი თეა ჯაფარიძე სოციალურ ქსელში თემაზე - „ფსიქოსომატური კავშირები სხეულის სხვადასხვა ნაწილებთან“ საუბრობს.
მისი თქმით, ჩვენი დაავადებების და ტკივილების 75 პროცენტი ფსიქოსომატურია.
ფსიქოსომატიკა ნიშნავს, რომ სხეულში წარმოშობილი ტკივილის და სიმპტომების უკან ემოციური, სტრესული ან ფსიქოლოგიური მიზეზები შეიძლება იდგეს:
„ჩვენი დაავადებების და ტკივილების 75 პროცენტი ფსიქოსომატურია.
ფსიქოსომატიკა ეს არის ფსიქოლოგიური პრობლემით გამოწვეული სომატური (სხეულებრივი) დაავადება. ჩვენში გამოუხატავი ემოციები, რომლებიც იქცა სიმპტომად და შემდეგ დაავადებად. ფსიქოსომატიკა ნიშნავს, რომ სხეულში წარმოშობილი ტკივილის და სიმპტომების უკან ემოციური, სტრესული ან ფსიქოლოგიური მიზეზები შეიძლება იდგეს. ეს არ ნიშნავს, რომ ტკივილი „გამოგონილია“ — პირიქით, ის რეალურია, უბრალოდ გამომწვევი ფაქტორი ყოველთვის ფიზიკური არ არის.
ქვემოთ გიზიარებთ ყველაზე გავრცელებულ ფსიქოსომატურ კავშირებს სხეულის სხვადასხვა ნაწილებთან:
ზურგი – მხარი - ტვირთი, პასუხისმგებლობა
ზედა ზურგი – ზედმეტი პასუხისმგებლობა, სხვისი ტვირთის ტარება, საკუთარი თავის ნაკლებად დაფასება.
შუა ზურგი – წარსულის ტკივილი, ბრაზი, დაუმუშავებელი ემოციები.
ქვედა ზურგი – ფინანსური შიში, უსაფრთხოების განცდის ნაკლებობა.
კისერი – სიმტკიცე- ჩახშობილი ემოციები. ვერ ვპატიობთ საკუთარ თავს ან სხვას. სიჯიუტე, „არ მინდა შევხედო რეალობას”. დიდი ხნის სტრესი და დაძაბულობა.
მხრები – გადამეტებული ტვირთი, სხვისი პრობლემების ზედმეტად აღება, პასუხისმგებლობის გადაჭარბება
სიტყვები: „ყველაფერს მე უნდა გავუძლო”.
მკერდი – ზრუნვა, სიყვარული, უთქმელი შიში, ემოციური ტკივილი, გადაჭარბებული ზრუნვა სხვებზე, საკუთარი თავის დავიწყება.
გული – სევდა, დაკარგვა, დაუძლეველი ტკივილი სიყვარულთან და ღირებულებებთან დაკავშირებული ემოციები
გადატვირთული ემოციური ცხოვრება.
კუჭი – შიში, მიუღებელი სიტუაციები „ვერ ვუშვებ“, „ვერ ვიტან“, „მეშინია“ ზედმეტი ადრენალინი, გაღიზიანება, უძლურება.
ნაწლავები – დაუმუშავებელი ემოციები, გამოცდილებები, გაჭედილი ემოციები → შეკრულობა ზედმეტი შფოთვა → დიარეა.
თავი – ზედმეტი ფიქრი, შფოთვა. შაკიკი – სრულყოფილებასთან ბრძოლა, კონტროლის სურვილი
თავბრუსხვევა – გადაღლა, არასტაბილურობა, “არ ვიცი საით წავიდე”.
ფეხები – წინსვლა, არჩევანი.
მუხლები – თავმდაბლობა, საკუთარი გზის მიმართ წინააღმდეგობა.
წვივები – შიში სწრაფი ცვლილებებისგან.
ტერფები – ცხოვრების გზის მიმართ გაურკვევლობა.
ხელები – მოქმედება, გამოხატვა.
მკლავები – ძალა, გაბრაზება, მოქმედების სურვილის ჩახშობა.
ხელის თითები – დეტალებზე ზედმეტი კონცენტრაცია.
რატომ ჩნდება ტკივილი?
სტრესი და დაუმუშავებელი ემოციები: ზრდის კორტიზოლს, ასუსტებს კუნთებს, აჩქარებს გულისცემას, ახდენს ნერვული სისტემის დაძაბვას.
ამას მოჰყვება: სპაზმი, ანთება, დაჭიმულობა — შედეგად ნამდვილ ფიზიკურ ტკივილამდე მივდივართ“, - წერს თეკო ჯაფარიძე.
ასევე დაგაინტერესებთ:
⭕ზოდიაქოს 4 ნიშანი, რომლებსაც 2025/2026 წლის ზამთარში შედარებით რთული პერიოდი ელის
⭕დარეჯან ხაჩიძე 70 წლის გახდა - „გაცოცხლებული გმირები ქართული თეატრისა და კინოს ისტორიის ნაწილია“
