ინდონეზიის კუნძულ სუმატრაზე მომხდარმა სტიქიამ მსოფლიოში ყველაზე მოწყვლადი პრიმატები კიდევ ერთი ნაბიჯით მიაახლოვა სრულ გაქრობას. ოთხდღიანი უხვი ნალექისა და მასშტაბური მეწყრების გამო, კრიტიკული საფრთხის ქვეშ მყოფი ტაპანულის ორანგუტანგების პოპულაცია კატასტროფულად შემცირდა.
ახლახან გამოქვეყნებული სამეცნიერო კვლევის მიხედვით, გასული წლის ნოემბერში მომხდარი ექსტრემალური ამინდის შედეგად, ამ უნიკალური მაიმუნების საერთო რაოდენობა დაახლოებით 7%-ით შემცირდა. მეცნიერების განცხადებით, სტიქიამ სულ მცირე 58 ინდივიდის სიცოცხლე შეიწირა.
ეს დანაკარგი პოპულაციისთვის, რომლის საერთო რიცხოვნობა ისედაც 800-ზე ნაკლებს შეადგენდა, შესაძლოა შექცევადი პროცესების დასაწყისად იქცეს. მკვლევართა ჯგუფი განგაშს ტეხს და აცხადებს, რომ კლიმატური ცვლილებებით გამოწვეული ანომალიები ტაპანულის ორანგუტანგების გადარჩენის შანსებს ყოველდღიურად ამცირებს.
