რუსმა კომიკოსმა და მსახიობმა მაქსიმ გალკინმა „უცხოელი აგენტის“ სტატუსის მოხსნის მოთხოვნაზე მოსკოვის სასამართლოში მიღებული უარი უზენაეს სასამართლოში გაასაჩივრა.
ცნობისთვის, მანამდე, გალკინის საჩივარი არ დააკმაყოფილა პირველი ინსტანციის, სააპელაციო და საკასაციო სასამართლომ
„უზენაესმა სასამართლომ მიიღო მაქსიმ ალექსანდრეს ძე გალკინისგან საჩივარი პირველი ინსტანციის, სააპელაციო და საკასაციო სასამართლოს გადაწყვეტილების შესახებ, რომლითაც არ დაკმაყოფილდა მისი სარჩელი იუსტიციის სამინისტროს წინააღმდეგ, „უცხოელი აგენტის“ სტატუსის მოხსნასთან დაკავშირებით“, - წერს TASS რუსეთის უმაღლეს სასამართლოზე დაყრდნობით.
ინფორმაციისთვის, 2022 წელს რუსეთის იუსტიციის სამინისტრომ რუსი კომიკოსი მაქსიმ გალკინი „უცხოელ აგენტად“ გამოაცხადა.
რუსეთში აცხადებენ, რომ კომიკოსი პოლიტიკურ საქმიანობას ეწევა და ამისთვის ფულს უკრაინიდან იღებს.
ცნობისთვის, მას შემდეგ, რაც 24 თებერვალს რუსეთი უკრაინის ტერიტორიაზე შეიჭრა, მაქსიმ გალკინმა არაერთხელ განაცხადა, რომ უკრაინის ქალაქების დაბომბვა და მშვიდობიანი მოქალაქეების მოკვლა სწორედ კრემლის ბრძანებით ხდებოდა.
⭕ ასევე დაგაინტერესებთ
⭕„უსაყვარლესი ადამიანი“ - სალომე ბაკურაძე ახალ ფოტოებს აქვეყნებს
წყარო: newshub.ge
