აშშ-ის პრეზიდენტმა დონალდ ტრამპმა განაცხადა, რომ უკრაინას სხვა გზა არ ექნება, გარდა რუსეთთან სამშვიდობო შეთანხმების მიღწევისა. ამის შესახებ მან ოვალურ კაბინეტში გამოსვლისას განაცხადა, წერს The New York Times.
„ვფიქრობ, ის, რაც მოხდება, არის ის, რომ უკრაინას მოუწევს შეთანხმების დადება, რადგან არ ვფიქრობ, რომ მათ არჩევანი აქვთ“, - განაცხადა ტრამპმა.
მან ასევე განაცხადა, რომ რუსეთიც იძულებული იქნება, დადოს ეს შეთანხმება.
„მე ასევე ვფიქრობ, რომ რუსეთს სურს გარიგების დადება, რადგან სხვა გზით, რომელიც მხოლოდ მე ვიცი, მხოლოდ მე - მათ არჩევანი არ აქვთ“ - განაცხადა ტრამპმა.
ტრამპმა ასევე განაცხადა, რომ ამერიკელმა მომლაპარაკებლებმა „ბოლო რამდენიმე დღის განმავლობაში უკრაინასთან და რუსეთთან დიდ პროგრესს მიაღწიეს“.
გარდა ამისა, მან აღნიშნა, რომ ჯერ არ იცის, გაემგზავრება თუ არა საუდის არაბეთში პუტინთან და ზელენსკისთან მოლაპარაკებებისთვის.
ცნობისთვის, აშშ-ის პრეზიდენტის სპეცწარმომადგენელი ახლო აღმოსავლეთის საკითხებში სტივ ვიტკოფი აცხადებს, რომ ამერიკულ და უკრაინულ დელეგაციებს შორის შეხვედრა საუდის არაბეთში გაიმართება.
⭕ აგრეთვე დაგაინტერესებთ:
⭕როგორი ამინდია მოსალოდნელი დღეს საქართველოში?
🎥 „პირველმა გავბედე და გავაორკესტრე“ - „შავლეგოს“ შესანიშნავი შესრულება
🎥 „მადლობა იმ მშობლებს, რომლებიც ასეთ კარგ შვილებს ზრდიან“ - სოფო ბედია
წყარო: newshub.ge
