2026/27 წლების პრემიერლიგის ახალი სეზონის დაწყებამდე, „მანჩესტერ სიტის“ ნორვეგიელმა თავდამსხმელმა ერლინგ ჰოლანდმა იმიჯი რადიკალურად შეიცვალა. მან თავისი ცნობილი გრძელი, „ვიკინგური“ თმა სრულად შეიჭრა და მოკლე ვარცხნილობა მოირგო.
ჰოლანდმა თმის შეჭრის სრული პროცესის ვიდეო YouTube-ის საკუთარ არხზე გამოაქვეყნა. მან აღნიშნა, რომ თმის შეჭრას ჯერ კიდევ 2026 წლის მსოფლიო ჩემპიონატის დასრულების შემდეგ გეგმავდა და ახალი სეზონისთვის სიახლის შეტანა სურდა.
აღნიშნულ ვიდეოში ასახულია მისი მეგობრებისა და ფეხბურთის ვარსკვლავების რეაქციები ვიდეოზარის (FaceTime) დროს.
ზლატან იბრაჰიმოვიჩის რეაქცია - „რა ჯანდაბა გააკეთე? ნიძლავი წააგე თუ რა მოხდა? წაშალე ჩემი ნომერი!“
პეპ გვარდიოლას რეაქცია - „ბედნიერი ხარ, თმა რომ გეზრდება! მეც დიდი სიამოვნებით მექნებოდა!“
ჯეკ გრილიშის რეაქცია - „10 წლის ბავშვს დაემსგავსე!“
