პარლამენტში, საგარეო ურთიერთობათა და თავდაცვის კომიტეტების ერთობლივ სხდომაზე, სადაც „ხალხის ძალის“ კანონპროექტის განხილვა უნდა დაწყებულიყო, ხმაურია.
როგორც „ნაციონალური მოძრაობის“ თავმჯდომარემ ლევან ხაბეიშვილმა აღნიშნა, ოპოზიციას ფიზიკური ძალით უწევს საქართველოს კონსტიტუციის დაცვა.
„რუსი პუტინისტი სოზარი, პირდაპირი მნიშვნელობით მიცვალებულის სიფათი აქვს. ფარცხალაძესავით მალე მოუწევს რუსული პასპორტის აღება და მის ენაზე რომ ვთქვათ, მოსკოვში მოხევა. ეს არის ამათი ბოლო, ჩვენ ფიზიკურად გვიწევს საქართველოს კონსტიტუციის დაცვა, იმიტომ რომ ჩვენი პროდასავლური კურსი კონსტიტუციით არის გარანტირებული. ეს ადამიანები ისტორიაში ჩაიწერებიან როგორც კრემლის მსახურები და რუსეთის აგენტურა“, - აღნიშნა ხაბეიშვილმა ტვ „პირველის“ ეთერში.
შეგახსენებთ, პარლამენტში, საგარეო და თავდაცვის კომიტეტების გაერთიანებულ სხდომაზე „უცხოური გავლენის აგენტების“ შესახებ კანონპროექტის პირველი განხილვა 15:30 საათზე უნდა დაწყებულიყო. დაძაბულობაა როგორც კომიტეტის დარბაზში, ასევე, პარლამენტის დერეფნებში, სადაც მედიის და არასამთავრობო ორგანიზაციების წარმომადგენლები არიან შეკრებილი.
აქცია აგრეთვე მიმდინარეობს საკანონმდებლო ორგანოს წინაც.
