თავდაცვის ყოფილი მინისტრის თინა ხიდაშელის განცხადებით, დღეს, საზოგადოებრივი მაუწყებლის ეთერში პრემიერ-მინისტრ ირაკლი კობახიძესთან დაგეგმილი დებატები აღარ შედგება.
ამის შესახებ თინა ხიდაშელი სოციალურ ქსელში წერს და განმარტავს, რომ ეს გადაწყვეტილება მას შემდეგ მიიღო, რაც ყოფილმა საგარეო საქმეთა მინისტრმა მიხეილ ჯანელიძემ, რომელიც ამ დებატების ინიციატორი იყო, თავისი გადაწყვეტილება შეცვალა და ამის მიზეზად „საზოგადოების უკურეაქცია“ დაასახელა.
„პაპუნას გზავნილის შემდეგ დებატები არ იქნება. იმის მიუხედავად რა და როგორ მიმაჩნია სწორად, ამას აღარ აქვს მნიშვნელობა“, - ამბობს თინა ხიდაშელი და აღნიშნავს, რომ პრემიერი „იმ აუდიტორიის წინაშე თავს კომფორტულად იგრძნობდა“.
თინა ხიდაშელი ასევე ამბობს, რომ მისი აზრით, ყველა ტრიბუნის გამოყენება საჭიროა, თუმცა, „წინააღმდეგობის მოძრაობისთვის მნიშვნელოვანი ადამიანების ნაწილმა ეს ვერ გაიგო“.
„მე მჯერა, რომ ყველა მათი ტრიბუნა უნდა დავიკავოთ და რეჟიმის წინააღმდეგ ბრძოლის სამსახურში ჩავაყენოთ. ჩემთვის, და წინააღმდეგობის მოძრაობისთვის მნიშვნელოვანი ადამიანების ნაწილმა ეს ვერ გაიგო და სამწუხარო კითხვები გაჩნდა.
⭕ ასევე დაგაინტერესებთ:
⭕რა ფერებით მოვრთოთ სახლი საახალწლოდ - 2025 წლის ძირითადი ტენდენციები
