ბედის მატრიცაში ფინანსური პრობლემები, კრედიტები და ვალები უკავშირდება ფინანსური არხის და ფულის შესასვლელის ენერგიების „მინუსში“ მუშაობას.
მატრიცის მიხედვით, ვალები არ არის უბრალოდ ფინანსური შეცდომა - ეს არის სულიერი და ენერგეტიკული დისბალანსის მატერიალური გამოვლინება.
ვალებისგან გათავისუფლებისა და ფინანსური არხის „პლიუსში“ გადაყვანის ძირითადი ნაბიჯები და პრინციპები:
პირველი დაადგინეთ, რომელი ენერგია გიდგათ ფინანსურ არხში
თქვენს ინდივიდუალურ მატრიცაში ფინანსურ ხაზზე, სადაც დოლარის ნიშანია სამი ძირითადი არკანი/ენერგიაა. თუ რომელიმე მათგანი მინუსშია, ის ბლოკავს ფულის ნაკადს და წარმოქმნის ვალებს.
ყველაზე გავრცელებული „მოვალე“ არკანები მინუსში:
მე-8 არკანი {სამართლიანობა}: მიზეზშედეგობრივი კანონის დარღვევა, წესების გვერდის ავლა, სამყაროს უსამართლობაში დადანაშაულება.
მე-15 არკანი {ეშმაკი/ცდუნება}: იოლი ფულის სურვილი, აზარტი, ფუფუნების საგნების ყიდვა იმ ფულით, რაც არ გაქვთ, დამოკიდებულებები.
მე-16 არკანი {კოშკი}: მატერიალურზე ზედმეტი მიჯაჭვულობა, ფინანსური სტრუქტურის არარსებობა, ქაოსი ხარჯვაში.
მე-19 არკანი {მზე}: საკუთარი პოტენციალის იგნორირება, აგრესია, შინაგანი სინათლის დაბლოკვა, რის გამოც ფული აღარ მოდის.
მეორე, როგორ გადავიყვანოთ ფინანსური არხი „პლიუსში“?
აიღეთ პასუხისმგებლობა და დახურეთ „მსხვერპლის“ პოზიცია.
მატრიცის მიხედვით, ვალები ჩნდება მაშინ, როდესაც ადამიანი ბრალს სხვას სდებს ბანკებს, სახელმწიფოს, დაბალ ხელფასს.
აღიარეთ, რომ ეს ვალი თქვენი მიღებული გადაწყვეტილებების შედეგია. პასუხისმგებლობის აღება პირველი ნაბიჯია ენერგიის გასასწორებლად.
დაალაგეთ ფინანსური დისციპლინა.
მატრიცაში ნებისმიერი ფინანსური ენერგია ითხოვს სტრუქტურასა და წესრიგს.
ჩამოწერეთ ყველა ვალი ზუსტი თანხებითა და პროცენტებით.
შექმენით გადახდის მკაცრი გრაფიკი. დაიწყეთ ყველაზე მცირე ვალის სრული დაფარვით, მცირე გამარჯვებები ენერგეტიკულად ხსნის ბლოკებს.
არ აიღოთ ახალი ვალი ძველის დასაფარად - ეს მატრიცულად ქმნის „ენერგეტიკულ ძაბრს“, საიდანაც გამოსვლა რთულდება.
გამოასწორეთ გაცემისა და მიღების ბალანსი
ვალები ხშირად იმის ნიშანია, რომ თქვენ გასცემთ იმაზე მეტს, ვიდრე გაქვთ, ან პირიქით - გსურთ მიიღოთ იმაზე მეტი, ვიდრე გაეცით.
დაიწყეთ მადლიერების პრაქტიკა.
გადაიხადეთ კომუნალურები თუ სესხის პროცენტი მადლიერებით, რომ ისარგებლეთ ამ მომსახურებით და არა ბრაზითა და შიშით. ბრაზით გადახდილი ფული ბლოკავს ახალი ფულის შემოსვლას.
შეწყვიტეთ მატერიალურზე გადამეტებული კონცენტრაცია
როდესაც მთელი ყურადღება გადატანილია კითხვაზე: „საიდან ვიშოვო ფული ვალის გადასახდელად?“, თქვენ კვებავთ ნაკლებობის/ღარიბულ ენერგიას.
გადაიტანეთ ყურადღება ღირებულების შექმნაზე. იფიქრეთ იმაზე, თუ რა სარგებლის მოტანა შეგიძლიათ სხვებისთვის თქვენი უნარებით.
ფული არის შედეგი იმისა, თუ რამდენად სასარგებლო ხართ სამყაროსთვის.
პრაქტიკული მოქმედების გეგმა:
ენერგეტიკული წმენდა, გადაყარეთ სახლიდან ძველი, გატეხილი, გამოსაყენებლად უვარგისი ნივთები. ფიზიკური სივრცის გათავისუფლება პირდაპირ მოქმედებს ფინანსურ არხზე.
პატიოსნება, იყავით აბსოლუტურად პატიოსანი ფინანსურ გარიგებებში, არ მოატყუოთ კლიენტები, არ აარიდოთ თავი გადასახადებს.
მცირე ქველმოქმედება, თუნდაც სიმბოლური თანხის გაღება მათთვის, ვისაც სჭირდება, სამყაროს უგზავნის სიგნალს: „მე მაქვს საკმარისი, რომ გავაწილო“.
