ინდური ხალხური მედიცინის „აიურვედას“ ექსპერტი არუნ ხათრი საზოგადოებას სოციალურ ქსელში პერიოდულად სასარგებლო ინფორმაციას უზიარებს.
ამჯერად, არუნ ხათრი ახალ პოსტს აქვეყნებს, სადაც ზეთის ხელახლა გახურება ტოქსიკურობაზე საუბრობს:
„გაფრთხილება ყველა მშობელს.
ყველამ უკვე იცის ერთი სიმართლე…
ზეთის ხელახლა გახურება ტოქსიკურია.
როდესაც ზეთს ისევ და ისევ ვაცხელებთ, ის აღარ არის საკვები. ის გადაიქცევა მავნე ნივთიერებებად, რომლებიც ნელა აზიანებს ორგანიზმს — იწვევს ანთებას, ნაწლავების პრობლემებს, გულის დაავადებებს და ზრდის კიბოს რისკს.
მაგრამ მთავარი კითხვა არის…
თუ ეს ვიცით, მაშინ რატომ ვაჭმევთ ამას ჩვენს ბავშვებს?
მიმოიხედეთ გარშემო.
არაჯანსაღი საკვების („ფასტ ფუდის“) ქსელები იყენებენ რაფინირებულ ზეთებს — იაფ, ძლიერ დამუშავებულ ზეთებს, რომლებსაც თითქმის არ აქვთ კვებითი ღირებულება. შემდეგ იმავე ზეთს მთელი დღის განმავლობაში მრავალჯერ აცხელებენ.
ის ხრაშუნა საკვები, რომელიც თქვენს ბავშვს უყვარს…
მზადდება ზეთში, რომელიც უკვე არაერთხელ არის გამოყენებული.
ვამბობთ: „ხანდახან არაფერი დაშავდება“
მაგრამ ეს „ხანდახან“ ნელ-ნელა ჩვევად იქცევა.
და ჩუმად იწყებს გავლენას თქვენი ბავშვის ჯანმრთელობაზე:
დაბალი იმუნიტეტი;
ჰორმონალური დისბალანსი;
სიმსუქნე;
ნაწლავების პრობლემები.
ეს უბრალოდ საკვები არ არის…
ეს არის გრძელვადიანი ზემოქმედება თქვენი ბავშვის ორგანიზმზე.
როგორც მშობლები, ვცდილობთ დავიცვათ ჩვენი შვილები ყველაფრისგან…
მაგრამ ვიცავთ თუ არა მათ იმაზე, რასაც ისინი ჭამენ?
დროა გავიღვიძოთ.
დროა მივიღოთ უკეთესი გადაწყვეტილებები“, - წერს არუნ ხათრი.
ასევე დაგაინტერესებთ:
⭕„ამ ფაქტმა ანახვა ერის უდიდესი ნაწილის საერთო რელსზე დგომა რას ნიშნავს...“ - გიორგი ლობჯანიძე
