საგვარეულო ხშირად უხილავი ძალასავით მოქმედებს ადამიანის ცხოვრებაზე - ის განსაზღვრავს არა მხოლოდ ჩვენს ფესვებს, არამედ ღირებულებებს, არჩევანს და ზოგჯერ ბედისწერასაც.
რამდენად მართავს წარსული ჩვენს დღევანდელობას და რა როლი აქვს ოჯახურ ისტორიას პიროვნების ჩამოყალიბებაში - ეს კითხვა კვლავ აქტუალური რჩება თანამედროვე საზოგადოებაში.
აღნიშნულ საკითხზე ვრცელ პოსტს ეზოტერიკოსი თამუნა იოსელიანი გვიზიარებს:
„ჩვენ მხოლოდ ჩვენი მშობლების შვილები არ ვართ. ჩვენ უამრავი სულის შემოქმედების გაგრძელება ვართ. თითოეულ ჩვენგანში ცოცხლობს საგვარეულოს ენერგია. იმ შემთხვევაშიც კი, თუ წინაპრებიდან ვინმე არასდროს გვინახავს, კავშირი მათთან მაინც არსებობს. ჩვენი საგვარეულო ეს მხოლოდ წარსული არ არის. ეს არის ძალა, რომელიც ჩვენს ზურგს უკან დგას.
ეს არის საყრდენი, რომელიც მაშინ აქტიურდება, როცა გვიჭირს. ეს არის სინათლე, რომელიც შიგნიდან ინთება, როცა მადლიერებას გამოვხატავთ, ვიხსენებთ და ვუსმენთ. სწორედ ისეთ დღეებში, როგორიც დღესაა, ეს განსაკუთრებით საგრძნობია.
💫 20.05 — განსაკუთრებული დღეა იმისთვის, რომ შეჩერდეთ, თვალები დახუჭოთ და იგრძნოთ: ვინ დგას თქვენს ზურგსუკან? ვინ გლოცავთ ჩუმად? ვის ძალას ატარებთ საკუთარ გულში?
🌿 თუ გსურთ საგვარეულოს მხარდაჭერა სწორედ ახლა მიიღოთ:
🌈 დახუჭეთ თვალები. ღრმად ჩაისუნთქეთ.
✨ იგრძენით რამდენიმე ციფრი 1-დან 20-მდე. ✍️
დაწერეთ ისინი კომენტარებში.
💌 იპოვეთ თქვენი საგვარეულოს გზავნილები, რომლებიც ბარათების სახით უკვე თან ერთვის ამ პოსტს.
იპოვეთ თქვენი ციფრები!
საგვარეულოს გზავნილი 1.
„შენ ძალის გაგრძელება ხარ“ ჩვენ შენამდე ვიყავით, ჩვენ მოვდიოდით საუკუნეების მანძილზე, ვცდებოდით, ვსწავლობდით, გვიყვარდა, ვკარგავდით და კვლავ ფეხზე ვდგებოდით, რათა შენ შეგძლებოდა წინ სვლა.
შენ — ჩვენი ხმა ხარ აწმყოში. ჩვენი მზერა — შენი თვალებიდან. შენ იმაზე ძლიერი ხარ, ვიდრე გგონია, რადგან შენს ზურგს უკან — ჩვენ ვართ. როცა გაგიჭირდება, უბრალოდ შეჩერდი, ამოსუნთქვა გააკეთე და გაიხსენე: შენ მარტო არ ხარ. შენთანაა ათასობით გული. ჩვენ შენ გვერდით ვართ. ყოველთვის.
საგვარეულოს გზავნილი 2.
„ნუ იჩქარებ დაივიწყო, საიდან ხარ“ შენი სხეული ინახავს ჩვენს ხსოვნას. თითოეულ უჯრედში — სიყვარულის, რწმენისა და დაბრკოლებათა გადალახვის ისტორიებია. უსმინე შენს ფესვებს. ჩაუკვირდი საკუთარ თავს, როცა დუმხარ. იქ — ჩვენი ხმებია. შენ შეიძლება დაივიწყო სახელები, მაგრამ ჩვენ არ გივიწყებთ შენ. ჩვენ ვინახავთ შენს გზას, ისევე როგორც შენ გააგრძელებ ერთ დღეს ჩვენსას.
საგვარეულოს გზავნილი 3.
„შენ გაქვს უფლება იყო ბედნიერი“ შენ არ ხარ ვალდებული გაიმეორო ჩვენი სცენარები. ჩვენ გვიხარია, როდესაც შენ ირჩევ სინათლეს. როდესაც გიყვარს, იცინი, ქმნი, მიჰყვები შენს გზას — შენ კურნავ მთელ ჩვენს შტოს. იცხოვრე. დანაშაულის გრძნობის გარეშე, უკანმოუხედავად. ჩვენ გაძლევთ ამ კურთხევას.
საგვარეულოს გზავნილი 4.
„გაუშვი მძიმე“ შენ ატარებ იმას, რისი მიწაზე დადების დროც დიდი ხანია მოვიდა. შენ არ ხარ ვალდებული ზიდო თაობების ტკივილი. გონებაში თქვი: „მადლობას გიხდით და ვირჩევ ჩემს გზას“. ჩვენ გავათავისუფლებთ ადგილს შენს სულში სიხარულისთვის. სიმსუბუქის არჩევით შენ არ გვღალატობ. შენ — გვათავისუფლებ.
საგვარეულოს გზავნილი 5.
„შენ მნიშვნელოვანი ხარ“ შენ გარეშე ჯაჭვი წყდება. შენმა სულმა ამ საგვარეულოში მოსვლა შემთხვევით არ აირჩია. შენშია გასაღები. შენშია ძალა. ნუ ეჭვობ: შენ — სინათლის რგოლი ხარ. ჩვენ ვამაყობთ შენით.
საგვარეულოს გზავნილი 6.
„ენდე გზას“ ყველაფერი ერთბაშად გასაგები არ არის. თუმცა ყველაფერი — სიკეთისკენაა. ბურუსის მიღმაც კი ჩვენ შენ გვერდით ვართ. შენ ხანდახან ვერ ხედავ გზას — თუმცა გზა გხედავს შენ. და შენს ყოველ ნაბიჯს — ჩვენ ვლოცავთ. შენ მარტო არ მიდიხარ.
საგვარეულოს გზავნილი 7.
„შენ გაქვს არჩევანის უფლება“ ჩვენთვის არჩევანი ყოველთვის არ იყო ხელმისაწვდომი. მაგრამ შენ — შეგიძლია. შენ შეგიძლია სხვანაირად იცხოვრო. შენ შეგიძლია უთხრა „დიახ“ სიცოცხლეს, და „არა“ იმას, რაც განგრევს. შენ შეგიძლია იარო შენი საკუთარი რიტმით. ჩვენ შენს ზურგსუკან ვართ. ჩვენ შენთან ვართ.
საგვარეულოს გზავნილი 8.
„სიყვარული — ჩვენი საერთო ენაა“ როდესაც შენ ეხვევი შენს შვილს — შენ გვეხვევი ყველა ჩვენგანს. როდესაც შენ ჰპატიობ — ჩვენ ვემშვიდობებით ტკივილს. როდესაც შენ გიყვარს — ჩვენ სიცოცხლეს ვიბრუნებთ. შენ — სიყვარულის გაგრძელება ხარ. შენ — სახლი ხარ, სადაც სინათლეა.
საგვარეულოს გზავნილი 9.
„შენ შეგიძლია განკურნო“ შენს მიერ გადმოდის სინათლე. როდესაც ლოცულობ, მედიტირებ, დახმარებას ითხოვ — შენ გვეხმიანები ჩვენ. შენმა სულმა იცის, როგორ მოაშუშოს ჭრილობები. შენ ძალგიძს შეაჩერო ძველი წრეები. შენ უნარი შეგწევს მოახდინო სასწაული.
საგვარეულოს გზავნილი 10.
„ნუ გეშინია იყო ის, ვინც ხარ“ შენ უნიკალური ხარ. შენ არ ხარ ვალდებული იყო ასლი. ჩვენ გვჭირდება შენი ფერები, შენი თავისებურებანი, შენი სიმართლე. ჩვენ განსხვავებულები ვიყავით. და შენ — ამ დიდი მოზაიკის ნაწილი ხარ. იცხოვრე საკუთარ თავთან ჰარმონიაში.
საგვარეულოს გზავნილი 11.
„გაიხედე ორივე მიმართულებით“ გახსოვდეს წარსული. და ააშენე მომავალი. შენ არ გაჭედილხარ ეპოქებს შორის. შენ — ხიდი ხარ. შენი საშუალებით ჩვენ გადავცემთ სინათლეს უფრო შორს. შეინარჩუნე სიბრძნე და ატარე იგი მსუბუქად. შენ იმაზე მეტი შეგიძლია, ვიდრე იცი.
საგვარეულოს გზავნილი 12.
„წყალი მიედინება — და შენც იარე“ ნუ შეყოვნდები იქ, სადაც სული არ მღერის. იმოძრავე. რბილად. გაცნობიერებულად. მდინარესავით, შენ ასუფთავებ ყველაფერს, რაშიც კი გადიხარ. ჩვენ არ გვეშინია შენი ცვლილებების. ჩვენ ვლოცავთ შენს დენადობას.
საგვარეულოს გზავნილი 13.
„ყველაფერი, რასაც სიყვარულით აკეთებ — მნიშვნელოვანია“ შენ არ ხარ ვალდებული გადაარჩინო სამყარო. მაგრამ როდესაც გამვლელს უღიმი — ეს უკვე სინათლეა. როდესაც აცხობ პურს, აფარებ პლედს, ამბობ კეთილ სიტყვას — სამყარო იცვლება. შენ უკვე ქმნი დიდებულს.
საგვარეულოს გზავნილი 14.
„სიმშვიდე — ესეც ძალაა“ შენ არ ხარ ვალდებული სულ ძლიერი იყო. ხანდახან სიჩუმე — ყველაზე ხმამაღალი პასუხია. ჩვენ ვიცავთ შენს სიმშვიდეს. მიეცი თავს უფლება უბრალოდ იყო. ბრძოლის გარეშე, მტკიცებულებების გარეშე.
საგვარეულოს გზავნილი 15.
„შენი სიხარული — ჩვენი დღესასწაულია“ ჩვენ გვიხარია, როდესაც შენ იცინი. როდესაც ცეკვავ, ჩვენ შენი საშუალებით ვგრძნობთ სიცოცხლეს. შენ ჩვენ გაგრძელებას გვჩუქნი. ატარე შენი სიხარული, როგორც ლამპარი. მისით შენ გზას უნათებ სხვებს.
საგვარეულოს გზავნილი 16.
„შენ არ ხარ ვალდებული იყო იდეალური“ დაუშვი შეცდომები. გამოასწორე. ისწავლე. ჩვენ შენგან სრულყოფილებას არ ვითხოვთ. ჩვენც ზუსტად ასეთივე ადამიანები ვიყავით. შენ — ჩვენი გზის ნაწილი ხარ. და ეს უკვე საკმარისია.
საგვარეულოს გზავნილი 17.
„იწამე სიყვარულის ძალა“ შენ კურნავ, როდესაც გიყვარს. შენ აღადგენ, როდესაც ეხვევი. შენ აერთიანებ, როდესაც ჰპატიობ. გიყვარდეს — და ჩვენ შენ გვერდით ვართ. სიყვარული — მარადიულია. საგვარეულო — მარადიულია.
საგვარეულოს გზავნილი 18.
„შენ ქმნი საყრდენს“ შენ — ვიღაცის დედა ხარ. ვიღაცის მამა. ვიღაცის მეგობარი. შენ — წერტილი ხარ, რომელსაც ვიღაც ეყრდნობა. დაე, შენი საყრდენი იყოს თბილი და არა მკაცრი. ჩვენ მხარს გიჭერთ შენ, რათა შენ დაუჭირო მხარი სხვებს.
საგვარეულოს გზავნილი 19.
„მადლიერება — ეს ხიდია“ როდესაც მადლობას იხდი, შენ აერთიანებ წარსულსა და აწმყოს. უთხარი „მადლობა“ — საკუთარ თავს, ჩვენ, სიცოცხლეს. ამ სიტყვებში — სინათლეა. ჩვენ მას ვგრძნობთ. და გპასუხობთ სითბოთი.
საგვარეულოს გზავნილი 20.
„შენ — ჩვენი ვარსკვლავის სინათლე ხარ“ შენ — ჩვენი იმედი ხარ, გაგრძელება, სუნთქვა. შენ — მნათობი ხარ ცაზე, რომელიც ჩვენ ავანთეთ და რომელიც ანათებს სამყაროს. იბრწყინე. დაე, შენი სინათლე იყოს რბილი და ძლიერი ერთდროულად. შენ საყვარელი ხარ. შენ დალოცვილი ხარ. შენ ჩვენი ხარ“, - წერს თამუნა იოსელიანი.
⭕ ასევე დაგაინტერესებთ:
⭕სეტყვა და ელჭექი - გარემოს ეროვნული სააგენტო მოსახლეობას აფრთხილებს
⭕რა გააკეთოთ და რას უნდა მოერიდოთ? - თაკო მელიქიშვილი 20 მაისის ასტროლოგიურ ენერგიებზე
