„გრიპით გამოწვეული პნევმონია სერიოზული დაავადებაა, რომელიც გავლენას ახდენს როგორც მაღალი რისკის ჯგუფებზე (ხანდაზმულები, ბავშვები, ორსულები და ქრონიკული დაავადებების მქონე პირები), ასევე იმ ადამიანებზე, რომლებსაც არანაირი ჯანმრთელობის პრობლემა არ აწუხებთ. ინფექციის პრევენცია და დროული მკურნალობა გადამწყვეტია“, - ამის შესახებ პროფესორი, საზოგადოებრივი ჯანმრთელობის ინსტიტუტის (PHIG) თავმჯდომარე გიორგი ფხაკაძე სოციალურ ქსელში ინფორმაციას ავრცელებს.
„რა არის გრიპით გამოწვეული პნევმონია?
გრიპის ვირუსი შესაძლოა გამოიწვიოს ფილტვების ანთება (პნევმონია), რაც იწვევს ფილტვის ალვეოლების სითხით ან ჩირქით შევსებას და სუნთქვის გაძნელებას.
ყველაზე მეტად რისკის ქვეშ იმყოფებიან:
⭕ ხანდაზმულები (65+)
⭕5 წლამდე ბავშვები
⭕ ორსულები
⭕ ქრონიკული დაავადებების მქონე პირები (შაქრიანი დიაბეტი, ფილტვის დაავადებები, ასთმა)
⭕ იმუნური სისტემის დაქვეითების მქონე პირები
როგორ დავიცვათ თავი გრიპით გამოწვეული პნევმონიისგან?
⭕ გაიკეთეთ ვაქცინაცია
გრიპის საწინააღმდეგო (ინფლუენზას) ყოველწლიური ვაქცინაცია ხელს უწყობს ვირუსისგან დაცვას და მძიმე გართულებების თავიდან აცილებას.
პნევმონიის საწინააღმდეგო ვაქცინა (პნევმოკოკური ვაქცინა) განსაკუთრებით მნიშვნელოვანია მაღალი რისკის ჯგუფებისთვის.
ჰიგიენის დაცვა
⭕ ხშირად დაიბანეთ ხელები საპნით და წყლით
⭕ დახუჭეთ პირი და ცხვირი ხველების ან ცემინების დროს
⭕ მოერიდეთ ავადმყოფ ადამიანებთან კონტაქტს
⭕ ჯანსაღი ცხოვრების წესი
⭕ უარი თქვით მოწევაზე – თამბაქო ასუსტებს ფილტვებს და ზრდის ინფექციების რისკს
⭕ მიირთვით ჯანსაღი საკვები, რომელიც აძლიერებს იმუნურ სისტემას
⭕ რეგულარული ფიზიკური აქტივობა ხელს უწყობს ორგანიზმის მდგრადობას
⭕ დროული მკურნალობა
გრიპის სიმპტომების (გახანგრძლივებული ცხელება, ძლიერი ხველა, სუნთქვის გაძნელება) შემთხვევაში მიმართეთ ექიმს რაც შეიძლება სწრაფად, რათა თავიდან აიცილოთ გართულებები.
პროფესორის რჩევა:
„გრიპი მხოლოდ სეზონური დაავადება არ არის – ის სერიოზული საფრთხეა, რომელსაც შეუძლია მძიმე გართულებები, მათ შორის პნევმონია. ამიტომ, მნიშვნელოვანია, რომ ყველა ასაკის ადამიანი დაცული იყოს ვაქცინაციის, ჰიგიენისა და ცხოვრების ჯანსაღი წესის დახმარებით!“, - აცხადებს გიორგი ფხაკაძე.
