ცნობილი პედიატრი ინგა მამუჩიშვილი საზოგადოებას სოციალურ ქსელში მნიშვნელოვან ინფორმაციას უზიარებს.
იგი გვიხსნის, რა რაოდენობის წითელი კვერცხი შეიძლება მიიღოს ბავშვმა დღის განმავლობაში და რა შეიძლება გამოიწვიოს ზედმეტის მიღებამ:
🌿🥚აღდგომის სუფრა და წითელი კვერცხები ბავშვებისთვის ნამდვილად განსაკუთრებული სიხარულია და თანაც, კვერცხი ერთ-ერთი ყველაზე სრულფასოვანი საკვებია, ამ დღეებში განსაკუთრებული ლტოლვა აქვთ ბავშვებს კვერცხისადმი!
კვერცხი პრაქტიკულად „სუპერ საკვებია“, ის შეიცავს უამრავ სასარგებლო ნივთიერებას, შეიცავს ყველა აუცილებელ ამინომჟავას, რაც საჭიროა ზრდისა და ქსოვილების განვითარებისთვის.
✅ქოლინი -ტვინის განვითარებისთვის უმნიშვნელოვანესია (მეხსიერება, კონცენტრაცია)
✅ვიტამინები - A, D, B12,B2,B5 → იმუნიტეტი, ძვლები, ნერვული სისტემა
✅რკინა და თუთია -ანემიის პრევენცია და იმუნური მხარდაჭერა
✅ომეგა-3 (განსაკუთრებით სოფლის კვერცხში)-ტვინისა და მხედველობის განვითარების წყაროა.
‼️განსაკუთრებით სასარგებლოა პუბერტატულ პერიოდში, აქტიური ზრდის პერიოდში და ინფექციის გადატანის შემდგომი რეაბილიტაციის პროცესებისთვის!
👶 რამდენი კვერცხი შეიძლება ბავშვმა მიიღოს დღეში?
რეკომენდაციები ასაკის მიხედვით:
✅1-3 წელი: ½-1 კვერცხი დღეში
✅3-7 წელი: 1 კვერცხი დღეში
✅7+ წელი: 1-2 კვერცხი დღეში აღდგომის დღეებში შეიძლება ერთჯერადად ცოტა მეტი (2-3 კვერცხი), მაგრამ არა ყოველდღიურად.
‼️ზედმეტი კვერცხის მიღებამ შეიძლება გამოიწვიოს:
❗️მონელების პროცესების დარღვევა, მუცლის ტკივილი, შებერილობა, გულისრევა
❗️ალერგიული რეაქციები – განსაკუთრებით პატარა ასაკში (გამონაყარი, ქავილი)
❗️ქოლესტერინის დროებითი მატება - ხანგრძლივი გადაჭარბებისას
❗️ცილით გადატვირთვა -თირკმელებზე ზედმეტი დატვირთვა (იშვიათად, მაგრამ გასათვალისწინებელია).
‼️ზოგადად უმჯობესია მოხარშული კვერცხი, არა შემწვარი
✅არ მივცეთ ერთდროულად ბევრი (ბავშვები აღდგომაზე ხშირად „ეჯიბრებიან“ ერთმანეთს 😄)
✅დავაკვირდეთ ალერგიის ნიშნებს 🥚.
🌿აღდგომის კვერცხი ჯანმრთელობის სიმბოლოა, მაგრამ ბავშვთა ჯანმრთელობის ყველაზე მნიშვნელოვანი დაცვა და ყველაზე კარგი საკვები მაინც ზომიერებაა.
ასევე დაგაინტერესებთ:
⭕გიორგი კეკელიძე 42 წლის გახდა - რას წერს მწერალი
⭕ზოდიაქოს 4 ნიშანი, რომელთათვისაც უახლოესი რამდენიმე კვირა განსაკუთრებით ხელსაყრელი იქნება
