საქართველოში ერთ-ერთი ყველაზე ცნობილი და პოპულარული წვეულებების წამყვანი ემილი გოგუა ხშირად უზიარებს საზოგადოებას რჩევებსა და რეკომენდაციებს. ამჯერად იგი „ფეისბუკის“ საკუთარ გვერდზე აქვეყნებს ვიდეოს, სადაც ქორწილებზე საუბრობს და სტუმრებს ურჩევს როგორ არ უნდა მოიქცნენ:
„თუ კი ქორწილში სტუმრის სტატუსით მიგიწვიეს, გარკვეულწილად პასუხისმგებლობებიც უნდა აიღოთ საკუთარ თავზე. 2016 წლიდან ამ მიმართულებით ვმუშაობ და არ იქნება ურიგო თუ რაღაც რჩევებს მოგცემთ.
პირველ რიგში როდესაც ხართ სტუმარი, აუცილებლად უნდა გაითავისოთ, რომ ეს ქორწილი არ არის თქვენი. არის მხოლოდ ორი ადამიანის. არც და-ძმების და არც არავისი. შესაბამისად მათ არჩევანს უნდა სცეთ პატივი.
მეორე, შესაძლოა არ მოგეწონოთ რაიმე, ან სადილი ან რესტორანი, მუსიკალური გაფორმება ან დიჯეი, არ აქვს მნიშვნელობა. მთავარი არის, რომ ყველაფერი აირჩია სიძე-პატარძალმა. ამას პატივი უნდა სცეთ რადგან ეს მათი არჩევანია. წამიყვანია ქორწილები, სადაც სტუმრები არ ითვალისწინებდნენ დღის მთავარი გმირების მოთხოვნებს.
თქვენ შესაძლოა მოგწონთ კონკრეტული მუსიკა, მიმდინარეობა ან გინდათ რაიმე შეასრულოთ. შვილმა ისწავლა ახალი ლექსი და ა.შ. მსგავსი საკითხები წინასწარ უნდა შეათანხმოთ სიძე პატარძალთან და ისინი ამ ყველაფერს წამყვანთან გაივლიან.
ქორწილში ასევე არ არის სასურველი ნაუცბადევი გადაწყვეტილებების მიღება, მაგალითად სიმღერის გაშვება, ცეკვა და ა.შ.
რაც შეეხება თამადას, მე ძალიან მომწონს ტრადიციული ქორწილები და რაც უფრო დრო გადის, მით უფრო ვრწმუნდები ამაში. რადგან ვართ ქართველები და გვაქვს ადათ-წესები. რაღაცები გვაქვს უშნოდ ინტერპრეტირებული. მაგალითად თამადამ აუცილებლად უნდა თავს 70 სადღეგრძელო. უნდა იყვნენ სტუმრები ძალიან მთვრალები, ყანწებიდან ან ქუსლებიდან უნდა დალიონ. თამადა უნდა იყოს ლაკონიური და კარგად მეტყველი.
ძალიანაც ნუ დათვრებით ქორწილში“, - ამბობს ემილი გოგუა ვიდეოში.
უფრო მეტის გასაგებად იხილეთ ვიდეო:
⭕ ასევე დაგაინტერესებთ:
🎥 „მასწავლებლის შვილი“, დამატებითი პასუხისმგებლობა თუ პრივილეგია? - ფსიქოლოგის რჩევები
⭕საქართველოს ჩემპიონატზე „ხობის მუნიციპალიტეტის სპორტის ცენტრის" მკლავჭიდელებმა 17 მედალი მოიპოვეს
