ნებისმიერი პროფესიონალის დრო და ენერგია შეზღუდულია. იმისათვის, რომ მუშაობამ რეალური შედეგი გამოიღოს, აუცილებელია ორმხრივი პასუხისმგებლობა.
ქვემოთ ჩამოთვლილია კლიენტების ის კატეგორია, რომელთან თანამშრომლობაც თავიდანვე არაეფექტურია:
❌ სასწაულის მაძიებლები: ადამიანები, რომლებიც წლების განმავლობაში დაგროვილი პრობლემების გადაჭრას ერთ სესიაში ან ერთ სადიაგნოსტიკო ტესტში ელიან, თანაც სრულიად უსასყიდლოდ.
❌ ფარული კონსულტაციის მომთხოვნები: ისინი, ვინც შენს პროფესიონალურ და ზრდილობიან გამარჯობაზე პასუხად დაუსრულებელ შეტყობინებებს გიგზავნიან, რათა მანიპულაციურად გამოგტყუონ უფასო რჩევა ან თერაპია.
❌ ქრონიკული მსხვერპლი: ადამიანები, რომლებიც ათწლეულებია მსხვერპლის როლს ირგებენ და აქვთ ილუზია, რომ ერთი უფასო რჩევით რამეს შეცვლიან. ისინი ხშირად იყენებენ ირიბ მანიპულაციას, თითქოს სიკეთის გაკეთება მხოლოდ უფასოდ არის შესაძლებელი. ჩნდება სრულიად ობიექტური კითხვა: თუ თქვენ თავად არ იმეტებთ საკუთარი თავისთვის რესურსს და გენანებათ მასში ინვესტირება, მე რატომ უნდა ვიყო თქვენს კარგად ყოფნაზე პასუხისმგებელი?
❌ ელემენტარული კულტურის არმქონენი: პირები, რომლებიც კომუნიკაციას პირდაპირ ერთი სიტყვით, „ფასი?“ იწყებენ. თუ ადამიანს კონსულტაციის გავლა ან სერვისის მიღება სურს, „გამარჯობა“ კომუნიკაციის საბაზისო სტანდარტია. ეს უკულტურობის უმაღლესი დონეა, რომლის შემდეგაც საუბრის გაგრძელება უბრალოდ არაპროფესიონალურია.
✅ სიმართლე ისაა, რომ მსგავსი დამოკიდებულების მქონე ადამიანებს ათასი სპეციალისტიც ვერ დაეხმარება, რადგან მათ არ აქვთ მზაობა საკუთარ სიცოცხლეზე პასუხისმგებლობის ასაღებად.
✅ მიუხედავად ამ ყველაფრისა, ჩემი ზრდილობიანი პასუხი ასეთ შემთხვევებში პირველ რიგში საკუთარი თავის პატივისცემაა და არა თქვენი დამსახურება.
✅ ჯანსაღი პროფესიული დინამიკა მარტივია: მე ვარ სპეციალისტი და გთავაზობთ კონკრეტულ სერვისებს. მე არ მჭირდება თქვენი დახმარება, სერვისი თქვენ გჭირდებათ. შესაბამისად, პროცესის მიმართ ელემენტარული პატივისცემაც თქვენი ვალდებულებაა.
ასევე დაგაინტერესებთ:
⭕ჭოხონელიძეების მოგზაურობა ბელგიაში გრძელდება - ოჯახური ფოტოები სოციალური ქსელიდან
⭕„ცოტა სხვანაირი მე“ - ლიკა კვარაცხელია დავით ბანცაძის ობიექტივში
