მწვანე ხის გველის წელი არაერთ საინტერესო სიახლეს გვიმზადებს. ასტროლოგების თქმით, წელი გლობალური ცვლილებებითა და გამოწვევებით იქნება სავსე. თუმცა, 2025 წლის ამ 2 თვის განმავლობაში შესაძლოა, ბევრი დაბრკოლება შეგვხვდეს:
თებერვალი
2025 წლის 23 თებერვლამდე მიზანმიმართული ქმედებებისა და ცვლილებების პლანეტა - მარსი რეტროგრადულ მოძრაობაში იქნება. შესაძლოა, ამ პერიოდის განმავლობაში იფიქროთ, რომ თქვენი რუტინა დაპაუზდა, არაფერი გამოგდით, პროგრესი არ გაქვთ, ვერ აღწევთ სასურველ შედეგებს. თვის განმავლობაში ბევრ ჩვენგანს უენერგიობა და უმოტივაციობა შეაწუხებს და კომუნიკაციაც გაგვიჭირდება.
როგორც ასტროლოგები ამბობენ, განსაკუთრებით რთული თებერვლის მეორე კვირა იქნება. 10 და 11 თებერვალს კი პლანეტა მერკური და მზე ურანს დაუკავშირდებიან. ეს მოვლენა ქაოსსა და გეგმების შეცვლას გამოიწვევს. შესაძლოა, კონფლიქტურ სიტუაციაში აღმოჩნდეთ და ბოლო წამს რაღაც არასასიამოვნოდ შეიცვალოს.
ამიტომაც, თებერვალში რადიკალურ გადაწყვეტილებებს ნუ მიიღებთ. ჯობს, ეს პერიოდი მშვიდად გაატაროთ და ფოკუსირდეთ იმ საქმეებსა და ამოცანებზე, რომლებზეც ახლა მუშაობთ.
მარტი
სიყვარულისა და ფინანსების პლანეტა, ვენერა, რეტროგრადულ მოძრაობას 1-ელი მარტიდან დაიწყებს და 13 აპრილს დაასრულებს. განსაკუთრებით მარტის თვეში ყველა ის სფერო, რომელსაც აღნიშნული პლანეტა განაგებს, შეფერხდება. სირთულეებია მოსალოდნელი როგორც პირად ურთიერთობებში, ასევე ფინანსების სფეროში.
13 მარტს ქალწულის ნიშანში მთვარის დაბნელება იქნება. 29 მარტს კი მზის დაბნელება გველოდება. ამ პერიოდში ადამიანები, როგორც წესი, მომატებულ ემოციურობას გრძნობენ, იმატებს კონფლიქტებისა და იმპულსური გადაწყვეტილებების მიღების რისკი.
იმისათვის, რომ აღნიშნული პერიოდი მშვიდად გაიაროთ, შეეცადეთ ხშირად განიტვირთოთ, არ აიღოთ ზედმეტი პასუხისმგებლობები და მოერიდეთ ნაჩქარევი გადაწყვეტილებების მიღებას. თებერვალი და მარტი არც თუ ისე სასიამოვნო ცვლილებებით იქნება სავსე, თუმცა, ეს იმას არ ნიშნავს, რომ უნდა დავნებდეთ და საკუთარ ოცნებებზე უარი ვთქვათ. წლის მეორე ნახევარი განსაკუთრებით ხელსაყრელია და არაერთ სასიამოვნო სიახლეს გვიმზადებს.
⭕ ასევე დაგაინტერესებთ:
⭕ეკონომიკური ზრდის პერსპექტივებით საქართველო საერთაშორისო სივრცეში სალიდერო პოზიციებზეა
⭕როგორი ამინდია მოსალოდნელი დღეს საქართველოში? - პროგნოზი ქალაქების მიხედვით
⭕მოაქვს თუ არა ტელეფონის ნომერს თქვენთვის წარმატება და იღბალი ცხოვრებაში? - ასტროლოგის რჩევა
