30 აგვისტოს, ღამით, ცაზე ლურჯი სუპერმთვარე გამოჩნდება.
„ნასას“ ცნობით, 30-31 აგვისტოს მთვარეს შეგვიძლია ვუწოდოთ სავსე, სუპერმთვარე და, ამავე დროს, ლურჯი მთვარე.
სუპერმთვარეს დედამიწის თანამგზავრს უწოდებენ მაშინ, როცა სავსე მთვარე დედამიწის ელიფსურ ორბიტაზე მოძრაობისას დედამიწასთან ყველაზე ახლო წერტილში აღმოჩნდება და განსაკუთრებით დიდი და კაშკაშა ჩანს ცაზე ჩვენი პლანეტიდან.
რაც შეეხება ტერმინ ლურჯ მთვარეს, ეს არ ნიშნავს, რომ მთვარეს ლურჯი შეფერილობა ექნება. „ნასას“ განმარტებით, ამ ტერმინით აღინიშნება სავსე მთვარე, რომელსაც ვხედავთ ერთ თვეში ორჯერ. მთვარის ციკლი თვეზე ცოტათი ნაკლები – 29,5 დღეა და ყოველ ორ-სამ წელიწადში ერთხელ შესაძლებელია სავსე მთვარის ხილვა ერთ თვეში ორჯერ.
წელს სავსე სუპერმთვარე იყო 2023 წლის პირველ აგვისტოს და სავსე, სუპერ ლურჯი მთვარეა დღეს, 30 აგვისტოს.
„ნასას“ ცნობით, შემდეგი ლურჯი სუპერმთვარის დანახვა ცაზე 2037 წელს იქნება შესაძლებელი.
აგრეთვე დაგაინტერესებთ:
🔵31 აგვისტოს ლურჯი სუპერმთვარეა - რა უნდა გააკეთოთ ამ დღეს, რომ წარმატება და იღბალი მოიზიდოთ
🔵ამ ფენომენის ხილვის შანსი 2032 წლამდე აღარ გექნებათ - 30 აგვისტოს ცაზე სუპერმთვარე გამოჩნდება
🔵სექტემბრის თვის სილამაზის კალენდარი
წყარო: batumelebi.netgazeti.ge
