7 ოქტომბერს, ვლადიმერ პუტინის დაბადების დღეზე საქართველოს ზოოპარკში მაიმუნი დაიბადა, რომელსაც გაცვენილი თმის გამო „თავქარიანი“ შეარქვეს.
სოციალურ ქსელში „ქართველი მაიმუნის“ დაბადებამ დიდი აჟიოტაჟი გამოიწვია. ერთ-ერთმა ფეისბუკ მომხმარებელმა ის პუტინს მიამსგავსა და ამის მიზეზი იკითხა:
„დღეს ჩვენი ახალშობილი უნდა გაგაცნოთ.
მაიმუნის დაბადების ამბავს თბილისის ზოოპარკის ოფიციალური გვერდიდან გვატყობინებენ:
„ეს „თავქარიანი“ არსება ჰამადრილების ოჯახის ახალი წევრია.
„თავქარიანი“ იმიტომ კი არაა, რომ ზედმეტად ცერცეტია, უბრალოდ გამელოტებული კაცის ვარცხნილობა აქვს და ქარი ხან მარჯვნიდან უქიქინებს თავზე, ხან - მარცხნიდან.
ჰო, ქვაზე დახატულ ეშმაკს კი ჰგავს, ცოტა არ იყოს, მაგრამ ეგ არაფერი. ცოტა ხანში ისე დამშვენდება, გიშრის დაკიდება მოგვიწევს, თვალი რომ არ ეცეს,“- წერია თბილისის ზოოპარკის მიერ გავრცელებულ განცხადებაში.
