ამბობენ, რომ თვალები სულის სარკეა, თუმცა მედიცინაში ისინი უფრო მეტად ჩვენი შინაგანი ორგანოების მდგომარეობის ამრეკლავია. ხშირად, სანამ ორგანიზმი ტკივილით შეგვატყობინებს პრობლემას, თვალის ფერი უკვე გვაძლევს სიგნალს.
გთავაზობთ 7 ნიშანს ფერების მიხედვით, რომლებიც მიგანიშნებთ, რომ ექიმთან ვიზიტი აღარ უნდა გადადოთ:
თეთრი ფერი - თვალის გარშემო თეთრი რგოლი
თუ თვალის რქოვანას გარშემო თეთრ ან ნაცრისფერ რგოლს შენიშნავთ, ამას მედიცინაში Corneal Arcus ეწოდება. ახალგაზრდა ასაკში ეს ხშირად ქოლესტერინის მაღალი დონის და გულ-სისხლძარღვთა დაავადებების რისკის ნიშანია.
ყვითელი ფერი - სკლერის გაყვითლება
ეს ერთ-ერთი ყველაზე საყურადღებო ნიშანია. თვალის თეთრი გარსის გაყვითლება პირდაპირ კავშირშია ბილირუბინის დონის მატებასთან, რაც ხშირად ღვიძლის, ნაღვლის ბუშტის ან პანკრეასის პრობლემებზე მიუთითებს.
წითელი ფერი - მუდმივად ჩაწითლებული თვალები
თუ ეს არ არის დაღლილობის ან კომპიუტერთან დიდხანს ჯდომის შედეგი, მუდმივი სიწითლე შეიძლება მიანიშნებდეს არტერიულ ჰიპერტენზიაზე - მაღალ წნევაზე ან თვალისშიდა წნევის მატებაზე - გლაუკომა.
ლურჯი ან ცისფერი ელფერი - თეთრ გარსზე
თუ თვალის თეთრი ნაწილი მოცისფრო ელფერს იღებს, ეს შესაძლოა რკინადეფიციტური ანემიის ნიშანი იყოს. ამ დროს სკლერა თხელდება და მის ქვეშ არსებული სისხლძარღვები ცისფერ ფერად „ანათებს“.
ყავისფერი ან მუქი ლაქები
თვალის თეთრ გარსზე უეცრად გაჩენილი მუქი ან ყავისფერი ლაქები ზოგჯერ უწყინარია, თუმცა ზოგ შემთხვევაში ეს შეიძლება იყოს მელანომის - კანის კიბოს ერთ-ერთი სახეობის იშვიათი ფორმა, რომელიც თვალში ვლინდება.
ღია ვარდისფერი - ქუთუთოს შიდა მხარე
თუ ქუთუთოს ჩამოწევთ და შიდა მხარე მკვეთრი ვარდისფრის ნაცვლად ძალიან ფერმკრთალია, ეს ორგანიზმში ჰემოგლობინის ნაკლებობის კიდევ ერთი კლასიკური ნიშანია.
ნისლიანი - ან რძისფერი გუგა
თუ გუგა კარგავს სიშავეს და ხდება მოთეთრო ან ნისლიანი, ეს კატარაქტის განვითარების ნიშანია, რაც დროულ მკურნალობას მოითხოვს მხედველობის შესანარჩუნებლად.
და ბოლოს, თუ ზედა ქუთუთო შეშუპებულია - ეს ნიშნავს, რომ ორგანიზმს უჭირს წყლის გამოდევნა და ლიმფოდრენაჟი შეფერხებით მუშაობს.
