ტაილანდში „მის სამყარო 2025“-ის სილამაზის კონკურსი დასრულდა. გამარჯვებული 25 წლის მექსიკელი ფატიმა ბოში გახდა, რომელსაც შოუს ორგანიზატორმა ნავატ იცარაგრისილმა საჯაროდ შეურაცხყოფა მიაყენა და მას „სულელი“ უწოდა.
პირველი მეორე ადგილი დაიკავა ტაილანდიდან პრავინარ სინგჰმა, მეორე ადგილი ვენესუელიდან სტეფანი აბასალიმ, ხოლო მესამე ადგილი ფილიპინელმა აჰტისა მანალომ დაიკავა. მაყურებლის ჯილდო ნორვეგიელ კონკურსანტს გადაეცა, რომელიც ეროვნული კოსტიუმების ჩვენების დროს სცენაზე თევზის კოსტიუმში გამოჩნდა და მისი ლუქი სოციალურ მედიაში მაშინვე ვირუსულად გავრცელდა.
შეგახსენებთ, რომ კონკურსის პროდიუსერმა, ნავატ იცარაგრისილმა, ადრე საჯაროდ გაკიცხა მექსიკელი კონკურსანტი ფატიმა ბოში სპონსორირებულ ღონისძიებაზე არდასწრების გამო. როდესაც მან სიტუაციის ახსნა სცადა, ნავატმა შეაწყვეტინა, „ლაპარაკის მოყვარული“ უწოდა და დაუყვირა: „სულელი ხარ! გაჩუმდი!“ შემდეგ მან დაცვა გამოიძახა. ფატიმამ დარბაზი დატოვა და რამდენიმე კონკურსანტი მას მხარდაჭერის ნიშნად გაჰყვა. მოგვიანებით, ინტერვიუში, მოდელმა განაცხადა, რომ მსგავსი ტონით ლაპარაკს არ დაუშვებდა. მეორე დღეს ნავატმა ცრემლმორეულმა საჯაროდ ბოდიში მოუხადა.
მის სამყარო ყოველწლიური საერთაშორისო სილამაზის კონკურსია, რომელიც მსოფლიოში ერთ-ერთ ყველაზე პრესტიჟულად ითვლება. ის „დიდ ოთხეულში“ შედის მის სამყაროსთან, მის ინტერნეიშენალთან და მის დედამიწასთან ერთად. ფილიპინებმა ცოტა ხნის წინ უმასპინძლეს მის დედამიწა 2025-ის კონკურსს, რომლის გამარჯვებულიც 21 წლის ჩეხი ნატალი პუშკინოვაა.
⭕ ასევე დაგაინტერესებთ:
⭕„მიყვარხარ მთელი ჩემი გულით... სამუდამოდ ერთად“ - ილია თოფურია ვაჟს დაბადების დღეს ულოცავს
⭕შეიძლება თუ არა გარდაცვლილი ნათესავის საწოლზე ან ტახტზე ძილი
წყარო: www.beaumonde.ge
