ბათუმში, ძველ ბულვარში ორმა ახალგაზრდა კაცმა ერთმანეთი დაჭრა.
არსებული ცნობით, დაპირისპირება ურთიერთშელაპარაკების ნიადაგზე დაიწყო. ამავე ინფორმაციით, ერთ-ერთმა მეორეს მინის ნამსხვრევებით ჭრილობა მიაყენა, მეორემ კი საპასუხოდ დანა გამოიყენა.
დაჭრილები სასწრაფო სამედიცინო დახმარების ჯგუფმა კლინიკაში გადაიყვანა.
შემთხვევის ადგილზე სამართალდამცველები იმყოფებოდნენ.
სხვა დეტალები ამ ეტაპზე უცნობია.
უწყების ინფორმაციით, დანაშაულში მონაწილე ორივე პირები მხილებულია.
მომხდარზე გამოძიება სსკ-ის 120 მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს. ისჯება ჯარიმით ან გამასწორებელი სამუშაოთი ვადით ექვს თვემდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, იარაღთან დაკავშირებული უფლებების შეზღუდვით ან უამისოდ.
⭕ ასევე დაგაინტერესებთ:
⭕ 19-21 აგვისტოს საქართველოში ტემპერატურა მოიმატებს, მოსალოდნელია ხანმოკლე წვიმა ელჭექით
