გიორგი ნაზღაიძის ცხოვრების განვლილი ეტაპები ნამდვილად არ ყოფილა ადვილი გასავლელი. მას ადრეული ასაკიდან უწევდა შრომა, რომ ოცნებები აეხდინა, ყოფილიყო ფინანსურად დამოუკიდებელი და წარმატებისთვის თავისი შრომითა და მიზანდასახულობით მიეღწია.
მსახიობი, ტელეწამყვანი ერთ-ერთი გადაცემის სტუმარი იყო, სადაც საკუთარ დაავადებაზე ისაუბრა:
„სკოლის ასაკში ვიყავი, როცა მივიღე მოცემულობა, რომ ეს ვარ მე, მყავს ძალიან მაგარი ოჯახი, ვისაც ვუყვარვარ და არავინ მაინტერესებს.
ბიძგი აღმოჩნდა შეტევები, ნერვული გულყრები, ეპილეფსიური, რასაც სისტემატური სახე ჰქონდა, მუდმივად მემართებოდა, 11 წლის განმავლობაში და ბრძოლა მქონდა გაჭირვებასთან, თვითდამკვიდრებასთან და ბრძოლა ჩემს დაავადებასთან. ასევე ბრძოლა მქონდა საზოგადოებასთან, რომელიც არ მღებულობდა.
ვინც დაინახავდა, რომ გულყრა დამემართა, ყველა ზურგს მაქცევდა.
ეს იყო ემოციურ ფონზე, ეპილეფსიის ერთ-ერთი ფორმა, როდესაც კამათის დროს მაგალითად, ემოციის გამო მემართებოდა. არ იყო შარდვა და პირიდან რაღაცები, მქონდა კრუნჩხვის ფორმა და დღემდე ვერ იგებენ, მაგრამ მქონდა გარდაცვლილ მამიდაშვილთან კომუნიკაცია, მუდმივად ვეუბნებოდი, წამიყვანე -მეთქი, ხელი მქონდა აწეული და ამ ხელზე იყო სულ ჭიდაობა. ტკივილი იმდენად ძლიერი იყო, რომ რკინის საწოლის „ტრუბა“ ფეხით მაქვს შეღუნული.
ბოლო კრუნჩხვა მქონდა წლების წინ, რეალითში რომ შევდიოდი. ოჯახს არ უნდოდა შევსულიყავი. 18 წლის ვიყავი. მეტროში დამემართა, ხალხში, ლიანდაგში ვვარდებოდი, ვიღაცამ გადმომქაჩა“, - ამბობს გიორგი ნაზღაიძე.
ასევე დაგაინტერესებთ:
