ტრაგედიამ, რომელიც სოფელ ბარდუბანში, ბარდაველიძეების ოჯახში დატრიალდა, მთელი ქვეყანა შეძრა. 20 წლის ბიჭი ნარკოტიკების ზედოზირებით დაიღუპა, მასთან ერთად მყოფი ქალი კი სამართალდამცველებმა განსაკუთრებით დიდი ოდენობით ნარკოტიკული საშუალების ჯგუფურად გასაღების მცდელობის ფაქტზე დააკავეს.
როგორც გარდაცვლილის დედა ამბობს, შვილი მან სამსახურში წასვლამდე ცოცხალი ნახა. რამდენიმე საათში კი დაურეკეს და უთხრეს, რომ მისი სახლი პოლიციელების ალყაში იყო.
სახლში დაბრუნებულ პენსიონერს, 22 წლის შვილი გარდაცვლილი დახვდა.
„სახლში არ ვიყავი იმ წუთს, ღამის 10 საათი იყო ეს გოგო რომ ჩვენთან მოვიდა. დილას უკვე გარდაცვლილი იყო ჩემი შვილი.
მაგას აქვს ნაწვალები, რომ მოებრუნებინა აქეთ. ვეღარ მოასულიერა და მერე აქვს დარეკილი სასწრაფოში. ქუთაისიდან საათ-ნახევარში მოვიდნენ და ჩემი შვილი უკვე გარდაცვლილი იყო.
ამ გოგოს მსხვერპლია ჩემი შვილი, ანა გუდავაძის. ისე უნდა დაისაჯოს, გარეთ ვერასდროს გამოვიდეს“, - ამბობს გარდაცვლილის დედა.
აგრეთვე დაგაინტერესებთ:
⭕კაცი, რომელიც მშენებარე კორპუსიდან გადავარდნის შედეგად დაიღუპა, 26 წლის იყო
