ქობულეთში ავტოსაგზაო შემთხვევა მოხდა.
არსებული ინფორმაციით, დედა-შვილი ზებრაზე გადადიოდა, რა დროსაც მათ გზის სავალ ნაწილზე მოძრავი ტაქსი დაეჯახა.
თვითმხილველების ცნობით, დედა-შვილი უცხო ქვეყნის მოქალაქეები არიან.
დაშავებული მოზარდი ქობულეთის სამედიცინო ცენტრში გადაიყვანეს. რაც შეეხება ბავშვის დედას, მიყენებული დაზიანებების შედეგად ის დაიღუპა.
შემთხვევის ადგილას სამართალდამცველები და სასწრაფო და სამაშველო ჯგუფების თანამშრომლები იმყოფებოდნენ.
