18 ოქტომბერს გვიან ღამით ბათუმში 20 წლის ბიჭი მოკლეს. ის რესტორანში იყო, რა დროსაც 19 ტყვია ესროლეს. როგორც ცნობილია, მკვლელმა წინასწარ იცოდა, სად იმყოფებოდა ახალგაზრდა მამაკაცი.
სროლის შედეგად კიდევ ორი ადამიანი დაიჭრა. მათი მდგომარეობა სტაბილურია.
„კაცი იყო წითლებში ჩაცმული. ჩაცხრილა რესტორნის მარცხენა მხარეს. სროლის დროს შიგნით შემოვედი თავისთავად, რომ გამოვედი, გავიგე, რომ ჩვენს რესტორანთან ახლოს მანქანა ელოდებოდა და ჩაჯდა და გაიქცაო. მე როგორც გავიგე რესტორნიდან, შიგნით ჰყავდა ინფორმატორიო, შიგნიდან აწვდიდნენ ინფორმაციას გარეთ. კონკრეტული პირისკენ იყო მიმართული. სავარაუდოდ, დაგეგმილი ჰქონდა“, - განაცხადა თვითმხილველმა.
გავრცელებული ინფორმაციით, მოკლული მამაკაცი თურქეთის მოქალაქეა.
