„ქართული ოცნების“ საპატიო თავმჯდომარე ბიძინა ივანიშვილი საქართველოს ეროვნული საფეხბურთო ნაკრების გამარჯვებას გამოეხმაურა და აღნიშნა, რომ წინ კიდევ ბევრი გამარჯვება გველოდება.
„გილოცავთ საქართველოს საფეხბურთო ნაკრების გამარჯვებას!
4:1 - ერთა ლიგაზე, ჩეხეთის ნაკრებთან მიღწეული ამ დამაჯერებელი გამარჯვებით, ჩვენმა გუნდმა კიდევ ერთხელ, უზომოდ გაგვახარა თითოეული ქართველი გულშემატკივარი!
ევროპის ჩემპიონატზე შთამბეჭდავი დებიუტის შემდეგ აშკარა იყო, რომ ქართული ფეხბურთისთვის ახალი, განსაკუთრებული ეპოქა დაიწყო, რაც გუშინდელი თამაშით კიდევ ერთხელ დადასტურდა.
ვულოცავ ეროვნული ნაკრების ფეხბურთელებს და ყველა იმ ადამიანს, ვინც ამ მებრძოლი, ერთ მუშტად შეკრული და საამაყო გუნდის ჩამოყალიბებაში წვლილი შეიტანა!
დარწმუნებული ვარ, წინ კიდევ ბევრი გამარჯვება გველოდება!“ - ნათქვამია ბიძინა ივანიშვილის მიერ გავრცელებულ განცხადებაში.
⭕ აგრეთვე დაგაინტერესებთ:
⭕რომელ ადგილზეა საქართველოს ნაკრები ჩეხეთთან გამარჯვების შემდეგ? - FIFA-ს რეიტინგი
⭕„ყველაზე ლამაზი ქალის ტიტული უნდა გქონდეს შენ“ - შორენა ბეგაშვილის მოგზაურობა საბერძნეთში გრძელდება
