სიყვარული არის გრძნობა, რომელიც არ ცნობს საზღვრებს და როგორც ამბობენ, ნამდვილი სიყვარული ასაკობრივ შეზღუდვებსაც არ ემორჩილება. სიყვარული ურთიერთგაგება, ზრუნვა, ერთგულება და ჰარმონიაა.
როდესაც მეორე ადამიანის მიმართ გრძნობები ჩნდება მას უკვე აღარ აინტერესებს რიცხვი, რომელიც პასპორტში წერია. იქ, სადაც გულწრფელი სიყვარულია გრძნობებს დრო ვერაფერს აკლებს.
არაერთი მაგალითი არსებობს წყვილების, რომელთა სიყვარულმა ასაკობრივი სხვაობის მიუხედავად წლებს გაუძლო, დროსთან ერთად არათუ განელდა, არამედ გაძლიერდა კიდეც.
გადაცემამ „პრაიმშოუ“ მოიწვია სტუმრები, რომლებმაც ეცადნენ საზოგადოების დარწმუნება იმაში, რომ სიყვარულმა ასაკი არ იცის. მათ შორის იყვნენ მოსწავლე ახალგაზრდობის ეროვნული სასახლის კინომოყვარულთა სტუდია „პიონერფილმის" ხელმძღვანელი გრიგოლ ჩიგოგიძე და მისი მეუღლე ნინო ჩიგოგიძე, რომელთა შორის ასაკობრივი სხვაობა 18 წელია:
„დაბადებიდან მოამბეში ვმუშაობ, ტელევიზიაში. ერთხელ დერეფანში დავინახე, რომ მოდის ლამბადა მოსხმული ქალბატონი ნინო. ძალიან ლამაზი იყო.
შემდეგ იმ საღამოს ჩემზე უთხრეს, ნახე რა კაციაო. დაახლოებით 2 კვირაში გვქონდა ქორწილი. ჩემ ძმამ უხერხული სიტუაცია შექმნა, მკითხა ეს ლამაზი ქალი შენ მოგყვება ცოლადო?
7 ოპერატორი იღებდა ჩემს ქორწილს. 53 წლის ვიყავი მაშინ, პირველი მეუღლეა“, - ამბობს გრიგოლ ჩიგოგიძე.
ასევე დაგაინტერესებთ:
„ორსულობის ბოლო კვირა...“ - მარიამ როინიშვილი ახალ ფოტოს აქვეყნებს
🎥 „შეუნახეთ ასეთი კადრები შვილებს...“ - ია დუდაშვილი უსაყვარლეს ვიდეოს გვიზიარებს
