სიყვარული არის გრძნობა, რომელიც არ ცნობს საზღვრებს და როგორც ამბობენ, ნამდვილი სიყვარული ასაკობრივ შეზღუდვებსაც არ ემორჩილება. სიყვარული ურთიერთგაგება, ზრუნვა, ერთგულება და ჰარმონიაა.
როდესაც მეორე ადამიანის მიმართ გრძნობები ჩნდება მას უკვე აღარ აინტერესებს რიცხვი, რომელიც პასპორტში წერია. იქ, სადაც გულწრფელი სიყვარულია გრძნობებს დრო ვერაფერს აკლებს.
არაერთი მაგალითი არსებობს წყვილების, რომელთა სიყვარულმა ასაკობრივი სხვაობის მიუხედავად წლებს გაუძლო, დროსთან ერთად არათუ განელდა, არამედ გაძლიერდა კიდეც.
გადაცემამ „პრაიმშოუ“ მოიწვია სტუმრები, რომლებმაც ეცადნენ საზოგადოების დარწმუნება იმაში, რომ სიყვარულმა ასაკი არ იცის. მათ შორის იყო მოცეკვავე, ტელეწამყვანი ირაკლი მაქაცარია:
„ჩემსა და ლიზას შორის არის 17 წელი სხვაობა. მიმაჩნია, რომ აბსოლუტურად ყველა ურთიერთობა არის უნიკალური, ურთიერთობის წარმატება არ არის დამოკიდებული ციფრებზე. მნიშვნელოვანია ურთიერთობა იყოს აგებული სიყვარულზე, ურთიერთგაგებაზე, პატივისცემაზე, რაც გაცილებით უფრო მნიშვნელოვან როლს თამაშობს გრძელვადიან ურთიერთობის შენარჩუნებაში, ოჯახის შექმნაში და შენარჩუნებაში, ვიდრე ციფრები“, - ამბობს ირაკლი მაქაცარია.
ასევე დაგაინტერესებთ:
„ორსულობის ბოლო კვირა...“ - მარიამ როინიშვილი ახალ ფოტოს აქვეყნებს
🎥 „შეუნახეთ ასეთი კადრები შვილებს...“ - ია დუდაშვილი უსაყვარლეს ვიდეოს გვიზიარებს
