ჭორები დათო ხუჯაძისა და ეკა ბესელიას შესახებ, პოლიტიკა, ცოლები და შვილი, რომელიც თითქმის არ იცნობს მამას

1719317448

მომღერალი დათო ხუჯაძე წლებია პროფესიიდან გამომდინარე მედიის ყურადღების ცენტრშია. 49 წლის მომღერალი მსმენელს ახალი რეპერტუარებით დღემდე ანებივრებს.

მის ცხოვრებაში უამრავი ტრაგედია და ცხოვრების რთული პერიოდი იყო.

ამ სტატიაში დათო ხუჯაძის პირადზე მოგიყვებით.

დათო ხუჯაძე მოსკოვში 2003 წელს ე.წ. „ვარდების რევოლუციის“ შემდეგ წავიდა. მართალია, ხუჯაძემ პოლიტიკაში კრახი განიცადა, მაგრამ რუსულ შოუბიზნესში პოპულარობა მოიპოვა, უკვე წლებია იგი საქართველოში დაბრუნდა და პოლიტიკას ჩამოშორდა.

დათო ხუჯაძე და პოლიტიკა

ალბათ, ბევრს არ გახსოვთ, რომ მომღერალმა დათო ხუჯაძემ 2003 წელს პოლიტიკაში სცადა ბედი, გაუმართლა და ასლან აბაშიძის პარტიით პარლამენტშიც მოხვდა, თუმცა ეს იყო ყველაზე ხანმოკლე პარლამენტარობა, რადგან სხდომაზე მიხეილ სააკაშვილი შევარდა მომხრეებთან ერთად და „ვარდების რევოლუცია“ მოხდა. ამის შემდეგ დათო ხუჯაძე საცხოვრებლად მოსკოვში წავიდა, სადაც ცოლი შეირთო, შვილიც გაუჩნდა, თუმცა ოჯახი დაენგრა და სააკაშვილის ხელისუფლების შეცვლის შემდეგ, თბილისში დაბრუნდა. ქეთა თოფურიას გარშემო ატეხილი ბოლოდროინდელი სკანდალის კომენტირებისას, დათო ხუჯაძეც სკანდალში გაეხვა. მან თქვა, რომ საქართველოსთვის აფხაზეთი პუტინს არ წაურთმევია.

თავდასხმა

დათო ხუჯაძეს 2016 წელს სამჯერ დაესხნენ თავს უცნობი პირები და მისი ცემა სცადეს. როგორც მომღერალი ამბობდა, ისინი დაქირავებულები იყვნენ და მათ უკან კერძო პირის ინტერესები იდგა.

„ერთი თვის წინ მომივიდა ჩხუბი სამ ტიპთან, სიმართლე გითხრათ, არც ვიცი, რის გამო მოხდა. ვის არ უჩხუბია მაგრამ ეგ კიდე განმეორდა რამდენჯერმე და მინდა ვუთხრა, რომ უკვე 1-1 ია. მაინტერესებს, როგორ გრძნობს თავს ერთ-ერთი იმათგანი და შემდეგში 2-1 იქნება ჩემს სასარგებლოდ. თავებს დაგიტეხავთ! თუ კაცები ხართ, პირ
დაპირ მოდით და არა უკნიდან, მაგრამ მაგდენი კაცობა სად გაქვთ!''

რაღაცას მიქარავენ და მგონი, ვხვდები საიდან უბერავს ქარი, მაგრამ მაგდენი გამბედაობა არ აქვთ, რომ პირდაპირ თქვან, „კრისები“ არიან,“- წერდა მომღერალი.

დათო ხუჯაძე და ნათია ონიანი

მომღერალ დათო ხუჯაძეს პირად ცხოვრებაზე საუბარი არასდროს უყვარდა. ერთ დროს ყველაზე პოპულარული ბიჭი იყო, უამრავი თაყვანისმცემელი ჰყავდა, ხან ვისთან აწყვილებდნენ და ხან ვისთან.

მოსკოვში წასვლის შემდეგ ხუჯაძემ მოულოდნელად იქორწინა. მისი მეუღლე ნათია ონიანი გახდა, რომელიც რუსეთში დაიბადა და გაიზარდა. დათოს და ნათიას ქალიშვილი მელანოც შეეძინა, თუმცა მოულოდნელად დაშორდნენ. დათო ცოლთან დაშორების მიზეზებზე არასდროს საუბრობს.

თუმცა ცნობილია ის, რომ ყოფილი ცოლი მას შვილის ნახვის უფლებას არ აძლევდა, რასაც მომღერალი ძალიან განიცდიდა.

„ყველაფერი ვცადე, ბავშვის გამო, დამერეგულირებინა ყოფილ ცოლთან ურთიერთობა, მაგრამ არაფერი გამომივიდა. ასე რომ, არანაირი ურთიერთობა არ მაქვს ყოფილ ცოლთან და, იმედია, შვილი რომ გაიზრდება, თავად ავაწყობთ მამა-შვილი ხელახლა ურთიერთობას“, - ამბობდა დათო ხუჯაძე ერთ-ერთ ინტერვიუში.

მუსიკოსმა მეორედ ეკა დალაქიშვილზე იქორწინა. წყვილმა ულამაზესი ქორწილი გადაიხადა. დათოს ამ ქორწინებიდან, მეორე შვილი ილა ეყოლა. წყვილს შორის ასაკობრივი სხვაობა 17 წელი იყო.

დათოს ყოფილი მეუღლე ეკა დალაქიშვილი ჟურნალ „თბილისელებთან“ ჰყვებოდა, როგორ სთხოვა ხელი რჩეულმა.

„დათო საზღვარგარეთ იყო წასული და რამდენიმე თვე არ მყავდა ნანახი. მეგობრისთვის უკითხავს ჩემი თითის ზომა და ბეჭედი შეუძენია. რომ დაბრუნდა და შევხვდით, პატარა ყუთი გამომიწოდა. გავხსენი და ძალიან ლამაზი ბრილიანტის ბეჭედი დამხვდა, მაგრამ დიდი დრო არ იყო გასული ჩვენი ურთიერთობის დაწყებიდან და ვერ მივხვდი, ეს მხოლოდ საჩუქარი იყო თუ კიდევ სხვა დატვირთვა ჰქონდა (იცინის). ეტყობა, იმდენად გაკვირვებული სახე მქონდა, დათოს გაეცინა და მითხრა: კი, ეს იმას ნიშნავს, რასაც შენ ფიქრობ – მინდა, ჩემი მეუღლე იყოო. აღმოჩნდა, რომ დროს არ ჰქონდა გადამწყვეტი მნიშვნელობა. შეიძლება, დიდი ხანია იცნობდე ადამიანს და ვერ ამოიცნო, ან მოკლე პერიოდში მიხვდე, რომ ეს ის არის“, - ეკა დალაქიშვილი.

თაკო თუხაშვილი

დათო ხუჯაძის მესამე რჩეული თაკო თუხაშვილია, რომელზედაც გასული წლის სექტემბერში იქორწინა.

წყვილი საერთო შვილს ელოდება.

ეკა ბესელია და დათო ხუჯაძე

2019 წელს ყვითელი პრესა დათო ხუჯაძის და ეკა ბესელიას ფოტოებით აჭრელდა, მიზეზი დათოს და ეკას ერთად გამოჩენა იყო. პროექტს „დაიცავი საქართველოს“ პრეზენტაციაზე ისინი ფილარმონიაში ერთად მივიდნენ.