გულ-სისხლძარღვთა დაავადებები მსოფლიოში სიკვდილიანობის უმთავრეს მიზეზად რჩება. კარდიოლოგები და სისხლძარღვთა ქირურგები აღნიშნავენ, რომ ორგანიზმი ხშირად წინასწარ გვიგზავნის სიგნალებს, რომელთა დიდი ნაწილიც ქვედა კიდურებში - ფეხებში იჩენს თავს.
ექიმების განმარტებით, პერიფერიული არტერიების დაავადება (PAD) და ღრმა ვენების თრომბოზი უშუალო კავშირშია გულისა და ტვინის სისხლძარღვების მდგომარეობასთან. თუ ფეხებში სისხლის მიმოქცევა დარღვეულია ან ათეროსკლეროზული ფოლაქებია წარმოდგენილი, მაღალია ალბათობა, რომ ანალოგიური პროცესი გულის გვირგვინოვან არტერიებსა და ტვინის სისხლძარღვებშიც მიმდინარეობდეს.
ექიმები გამოყოფენ 5 მთავარ სიმპტომს, რომელსაც განსაკუთრებული ყურადღება უნდა მიექცეს:
❌ ტკივილი და სიმძიმე ფეხებში სიარულისას - დრო გამოშვებით კოჭლობა
თუ სიარულისას კუნთებში გრძნობთ ტკივილს, სპაზმს ან დაღლილობას, რომელიც დასვენებისთანავე გადის, ეს შესაძლოა პერიფერიული არტერიების შევიწროებაზე მიანიშნებდეს. სისხლის ნაკადის შეზღუდვა კუნთებს ჟანგბადს აკლებს.
❌ ფეხების ქრონიკული სიცივე და დაბუჟება
თუ ერთი ან ორივე ფეხი მუდმივად ცივია (მაშინაც კი, როდესაც ოთახში თბილა) ან ხშირად გრძნობთ ჩხვლეტასა და დაბუჟებას, ეს არტერიებში სისხლის მიმოქცევის სერიოზულ შეფერხებაზე მეტყველებს.
❌ კანის ფერის, ტექსტურისა და თმის ცვლილება
სისხლძარღვთა დაზიანებისას ფეხის კანი შესაძლოა გახდეს ფერმკრთალი, მოლურჯო ან პრიალა. ასევე, ცუდი კვების გამო, ქვედა კიდურებზე თმის ცვენა იწყება, ხოლო ფეხის ფრჩხილები სქელდება და ზრდას ანელებს.
❌ შეშუპება და თრომბოზის რისკი
თუ რომელიმე ფეხი (განსაკუთრებით ცალმხრივად) უეცრად შეშუპდა, გაწითლდა და შეხებისას ცხელია, ეს შესაძლოა ღრმა ვენების თრომბოზზე (DVT) მიუთითებდეს. ასეთ დროს არსებობს საშიშროება, რომ თრომბი მოწყდეს და ფილტვებში ან ტვინში მოხვდეს.
❌ წყლულები და იარები, რომლებიც ნელა ხორცდება
ფეხებსა თუ თითებზე გაჩენილი მცირე ნაკაწრები ან წყლულები, რომლებიც კვირების განმავლობაში არ ხორცდება, სისხლის მიმოქცევის მკვეთრ დეფიციტზე მიუთითებს.
როდის მივმართოთ ექიმს?
მედიკოსების თქმით, ამ სიმპტომების აღმოჩენისას თვითმკურნალობა დაუშვებელია. დროული კონსულტაცია ანგიოლოგთან ან კარდიოლოგთან, ულტრაბგერითი გამოკვლევა (დოპლეროგრაფია) და სისხლის ანალიზები საშუალებას იძლევა, ინფარქტისა და ინსულტის განვითარების რისკი ადრეულ ეტაპზევე აირიდოთ თავიდან.
