მეტეოროლოგი კობა ფარტენაძე სოციალურ ქსელში საზოგადოებას უახლესი ამინდის შესახებ პერიოდულად უზიარებს ინფორმაციას.
ამჯერად იგი მიმდინარე კვირის ამინდის პროგნოზს გვიზიარებს, რომელსაც უცვლელად გთავაზობთ:
„ხვალ 29 აპრილს - დასავლეთ საქართველოში გამოიდარებს და რამდენიმე გრადუსით დაგვითბება, აღმოსავლეთში კი საპირისპირო სიტუაცია შეიქმნება და გაავდრდება, ტემპერატურა მკვეთრად დაიკლებს.
ჩვენ განვიცდით საკმაოდ დინამიურ გაზაფხულს, ზოგან ინტენსიური ნალექით და ყველგან საშუალო კლიმატური ტემპერატურის დაბალ მაჩვენებელს.
მიმდინარე კვირა, კვლავ არასტაბილური იქნება ჩვენს ქვეყანაში, დროდადრო ისევ წვიმით და სიცივით, თუმცა კვირის ბოლოს ტემპერატურა შედარებით მაინც მოიმატებს და ცოტათი დაგვითბება.
რაც შეეხება მაისის პროგნოზს - საქართველო ტემპერატურის მხრივ დარჩება ნორმის ზღვარზე, საშუალოდან გადახრები დაახლოებით 1/ 1,5 °C ; უფრო თბილი იქნება.
ჩვენ, სავარაუდოდ, კვლავ განვიცდით საპირისპირო კლიმატურ ფაზებს, თბილი დღეებიდან უეცარ აცივებამდე“,-წერს ფარტენაძე.
⭕ ასევე დაგაინტერესებთ:
