რუსი სენატორი, ფედერაციის საბჭოს საერთაშორისო საქმეთა კომიტეტის წევრი ელენა აფანასიევა მიიჩნევს, რომ მომღერალ ვალერი მელაძეს რუსეთის მოქალაქეობა უნდა ჩამოერთვას. ამის შესახებ რუსული მედია იტყობინება.
პროკრემლისტური მედიასაშუალება „ტასი“ წერს, რომ „ვალერი მელაძე რუსეთის ფედერაციაში აკრძალული უკრაინელი ნაციონალისტების ორგანიზაციის სლოგანს შეძახილით პასუხობს“.
„ამისთვის კი, ვალერი მელაძეს რუსეთის მოქალაქეობა უნდა ჩამოერთვას“, - აცხადებს რუსი სენატორი.
ამასთან, უკრაინული მედიის ინფორმაციით, ვალერი მელაძემ დუბაიში გამართულ კონცერტზე შეძახილს „დიდება უკრაინას“ „დიდება გმირებს“ უპასუხა.
რუსეთში ვალერი მელაძის ამ ქმედებას ღალატი უწოდეს.
ასევე დაგაინტერესებთ:
