„ვისაც 7 ნოემბერი სტკივა, ის ადამიანები აუცილებლად გავალთ 7 ნოემბერს, 17 საათზე, სადაც მოხდა 7 ნოემბერი, სადაც ხალხი შიმშილობდა“, - ასე ეხმიანება გია გაჩეჩილაძე (უცნობი) „ერთიანი ნაციონალური მოძრაობის“ მიერ 6 ნოემბერს დაგეგმილ აქციას.
გაჩეჩილაძის თქმით, ნაცმოძრაობა 6 ნოემბერს ცუდ რაღაცას გეგმავს და ყველამ იცის, ვის აწყობს ამ ქვეყანაში არეულობა.
„ძვირფასო საზოგადოებავ, აი, ასეთია მოცემულობა, 6-ში ესენი ძალიან ცუდ რაღაცას გეგმავენ. ეს გადაცემა არის და იქნება პრევენცია იმისა, იქნებ მართლა მოეშვან ამ რაღაც ზედმეტ მოძრაობებს, ყველამ ყველაფერი ვიცით. ფაქტი ერთია, ამ ქვეყანაში არეულობა ვისაც აწყობს, ისიც ვიცით ყველამ, არაფერი იკადროთ ზედმეტი, იმიტომ, რომ 7 ნოემბერს, 17 საათზე, მე პირადად გავდივარ, ჯაპანა პირადად გადის და ვისაც 7 ნოემბერი სტკივა, ის ადამიანები აუცილებლად გავალთ, სადაც მოხდა 7 ნოემბერი, სადაც ხალხი შიმშილობდა“, - განაცხადა გაჩეჩილაძემ.
