ლაშა ტალახაძემ 2021 წელს ოლიმპიური, მსოფლიოსა და ევროპის ჩემპიონატები მოიგო და რეკორდებიც დაამყარა, სწორედ ამიტომ გასაკვირი არცაა, რომ ის საუკეთესოდ ძალოსნად აღიარეს! სასიხარულო ინფორმაციას სოციალურ ქსელში საქართველოს ძალოსანთა ეროვნული ფედერაცია ავრცელებს.
„გილოცავთ, ჩვენ გავიმარჯვეთ!
ლაშა ტალახაძე კონტინენტის უძლიერესი ძალოსანია!
ევროპის ძალოსნობის ფედერაციის მიერ ჩატარებული გამოკითხვის შედეგად, სადაც ხმის მიცემა ელექტრონულად მიმდინარეობდა კონტინენტის მოსახლეობამ საუკეთესოდ ლაშა ტალახაძე ცნო!
ხმათა უმრავლესობით მსოფლიოს მრავალგზის უძლიერესი ძალოსანი ევროპაშიც საუკეთესოდ დასახელდა.
აღსანიშნავია, რომ ევროპის ფედერაციამ საუკეთესოთა გამოსავლენად გამოკითხვა პირველად ჩაატარა და ევროპის ჩემპიონატების 100 წლის იუბილეს დაამთხვია.
ლაშა ტალახაძეს ჯილდო ალბანეთში, ევროპის ჩემპიონატის გახსნის საიუბილეო ღონისძიებაზე გადაეცემა!
შეგახსენებთ, რომ ლაშა ტალახაძემ 2021 წელს ოლიმპიური, მსოფლიოსა და ევროპის ჩემპიონატები მოიგო და რეკორდებიც დაამყარა, სწორედ ამიტომ გასაკვირი არცაა, რომ ის 2021 წლის საუკეთესოდ ძალოსნად აღიარეს!
გოგონათა შორის საუკეთესოდ რუმინელი ტომა ლორედანა აღიარეს“, - წერს საქართველოს ძალოსანთა ეროვნული ფედერაცია.
ასევე დაგაინტერესებთ👇
🔵უახლოესი დღეების ამინდის პროგნოზი
🔵„მოვემზადოთ, საქართველოში ივნის-ივლისში კოვიდ აფეთქება არ აგვცდება“ - გიორგი ფხაკაძე
