გიორგი მიქაუტაძის „ლიონმა“ საფრანგეთის ლიგა 1-ში ჩემპიონთა ლიგის საგზურისთვის ბრძოლაში უშუალო კონკურენტს, „ლილს“ უმასპინძლა და მნიშვნელოვანი გამარჯვება მოიპოვა – 2:1.
28-ე ტურის დაპირისპირებაში „ლიონის“ მთავარმა მწვრთნელმა, პაულო ფონსეკამ შესანიშნავ ფორმაში მყოფი მიქაუტაძე სასტარტო შემადგენლობაში არ დააყენა – მოედანზე კი გუნდის კაპიტანი, ალექსანდრ ლაკაზეტი გამოჩნდა.
მიქაუტაძე მოედანზე 68-ე წუთზე შევიდა – ორ წუთში კი „ლიონის“ შეტევა რაიან ჩერკიმ დააგვირგვინა და მასპინძლები დააწინაურა. 90-ე წუთზე, ქართველის გადაცემის შემდეგ, ტიაგო ალმადას გოლის გატანა მართებდა, მაგრამ მეკარეს ვერ აჯობა.
„ლიონმა“ 48 ქულა დააგროვა და საფრანგეთის ლიგა 1-ის სატურნირო ცხრილში მე-4 ადგილზეა, რაც გუნდს ჩემპიონთა ლიგაზე მოხვედრის შესაძლებლობას აძლევს.
⭕ ასევე დაგაინტერესებთ:
⭕თბილისთან ახლოს მიწისძვრა მოხდა
⭕„დე, მიყვარხარ...“ - გიორგი მასხულია საქართველოშია და ის დედასთან ერთად გადაღებულ ფოტოს აქვეყნებს
🎥 „მინდა გაკოცო, მაკოცო“ - მარიამ ელიეშვილის არაჩვეულებრივი შესრულება
