„კარგი გაკვეთილია მისთვის“ - ნინი შერმადინი ნუცა ბუზალაძეს მხარდაჭერას უცხადებს

„დედაჩემმა რაც სცენაზე დავდექი ერთი ანდაზის ზემოქმედების ქვეშ გამზარდა, როცა რამე კონკურსზე გავიდოდი, ან გრან-პრის ავიღებდი, ან ვინმე შემაქებდა, ან რამე წარმატებას მივაღწევდი, იმ წამსვე მომაწევდა ბეჭებში. რაც უფრო მაღლა ავდიოდი, მთელი ძალით მექაჩებოდა ძირს.

თუმცა მეც ძალიან ბევრი შეცდომა მომსვლია და მისწავლია ჩემს შეცდომაზე, სხვათა შორის უმეცრებით და წინდაუხედაობით მომდიოდა.

შეცდომა უნდა დავუშვათ, უნდა გაგვლანძღოთ, რომ ადამიანებად ჩამოვყალიბდეთ, სინანული და დაფიქრება ვისწავლოთ რაც უფრო მეტი ადამიანი გვიცნობს, უფრო მეტი ტალახი გვხვდება. უფრო მეტად არ გვპატიობენ შეცდომას.

ჩინური ანდაზაა, იცოდეთ თქვენც მაინც, მინდა გაგიზიაროთ. რაც უფრო მაღლა ადის მაიმუნი ბამბუკის ხეზე, მით უფრო კარგად ჩანს მისი წითელი უკანალი  იმედია თქვენც მოგეწონათ რა ბედნიერებაა შენ რომ გამზარდე

ხო კიდევ ერთი არაბული იგავიც იცოდა, მაგას მერე მოგიყვებით.

რაც შეეხება, ჩემს მეგობარ ნუცას, მაშინ როდესაც 100 ჟიურის წევრი ფეხზე დააყენა, რუსეთი მაშინაც ოკუპანტი იყო, მაშინაც ნაწამები ჰყავდა ქართველი ბიჭები, მაშინაც მტერი იყო, მაგრამ რატომღაც სიამაყით ვაზიარებდით მის გამოსვლას, ჩემი ლევანო კბილაშვილი, ღმერთმა აცხონოს მისი სული! თავისი ქართული სიმღერით რომ ატირებდა რუსებს და ათაყვანებდა საქართველოს, ისიც ვატრიალოთ საფლავში? მოღალატე იყო? თუ გაუმარჯოს საქართველოს აძახებინებდა რუსებს.

არც მე მესიამოვნა დღეს მისი დანახვა რუსეთში გულწრფელად, არც ერთი ქართველ არ მინდა რუსეთში იყოს, მაგრამ ამხელა ზიზღი ნამდვილად არაფერში წერია.

დღეს დავწერე პოსტი და წავშალე, მარტო იმიტომ, რომ ჩემზე არ გადმომეტანა ყურადღება და თავი არ გამეპიარებინა ნუცას ხარჯზე.

მართლა რეალურად მოღალატე ადამიანებზე ვიდარდოთ.

რაც შეეხება ამ ამბავს რაც ნუცას დღეს შეემთხვა, დარწმუნებული ვარ კარგი გაკვეთილია მისთვის და კიდევ უფრო მეტად შეეცდება საქართველოს ღირსეულად წარმოჩენას მომავალშიც.

მეტი პოზიტივი,სიყვარული და მიტევება ჯობია, ამ ისედაც ძალიან მოკლე წუთისოფელში.

მიყვარხართ“,  - წერს ამერიკაში მცხოვრები ქართველი მომღერალი ნინი შერმადინი.

ცნობისთვის, ნუცა ბუზალაძემ იმღერა ბადრი კოღუაშვილის ქალიშვილის დაბადების დღეზე მოსკოვში, ვინც არ იცის, ბადრი კოღუაშვილი ის ე.წ. კანონიერი ქურდია.

ასევე დაგაინტერესებთ:

🔵 „შენ კაცი რანაირად მეგონე ნეტა? ბებიაჩემისდროინდელი იუმორით და სუსის აგენტური დავალებების შესრულებით...“ - რატომ დაუპირისპირდა მაკა რაზმაძე იუმორისტ პაატა გულიაშვილს?

🔵 „ძალიან დაგწყვიტეთ გული... ბოდიში მინდა მოვუხადო ყველას“ - ნუცა ბუზალაძის პირველი კომენტარი

🔵 „იძულებითი იყო ბოდიში? - ცხადია. მიიღეთ ჩემი აუცილებელი საყვედური და ამავდროულად გამოწვდილი ხელიც“ - რას წერს გიორგი კეკელიძე