ხვიჩა კვარაცხელია „ლანსთან“ შეხვედრაში დაშავდა და ნაადრევად შეცვალეს

საქართველოს ნაკრების ლიდერი 13 აგვისტოს გამართული ევროპის სუპერთასის შემდეგ პირველად გამოჩნდა ჩემპიონთა ლიგის მოქმედი გამარჯვებულის სასტარტო შემადგენლობაში, მაგრამ მოედანზე მხოლოდ 29 წუთი გაატარა.

კვარაცხელიას მე-3 წუთზე „ლანსის“ ფეხბურთელი ოდსონ ედუარდი ეუხეშა. მართალია, ამის შემდეგ ის თამაშს აგრძელებდა, თუმცა ტკივილის გამო შეცვალეს.

ამ დროისთვის „პარი სენ-ჟერმენი“ 1:0-ს იგებდა – ანგარიში მე-15 წუთზე ბრედლი ბარკოლამ გახსნა.

ქართველის ტრავმის ამბავში დამაიმედებელია ის ფაქტი, რომ მოედნის დატოვებისას დახმარება არ დასჭირვებია. დაზიანების სიმძიმე მოგვიანებით გახდება ცნობილი.

⭕ ასევე დაგაინტერესებთ:

⭕შორენა ბეგაშვილი თურქეთიდან ახალ კადრებს გვიზიარებს -„ბედნიერებას გისურვებ“

⭕„რა არის უფლის საქმე?!...“ - რას წერს დეკანოზი თეოდორე გიგნაძე

⭕„არასდროს ინანო შენგან გაკეთებული სიკეთე...“ - რას წერს გია მურღულია

წყარო: 1tv.ge