ლადო ძიმცეიშვილი ევროპის ჩემპიონი და რეკორდსმენია, - ინფორმაციას საქართველოს ძალოსნობის ეროვნული ფედერაცია ავრცელებს.
ფედერაციის ცნობით, ძალოსამა 1 ბრინჯაოს და 2 ოქროს მედალი მოიპოვა.
„პრიშტინაში მიმდინარე ჭაბუკ ძალოსანთა ევროპის ჩემპიონატზე (U17) საქართველოს ნაკრებიდან ლადო ძიმცეიშვილი (85 კგ) ასპარეზობს.
ძალოსანმა კონტინენტის პირველობაზე მთავარი მწვრთნელის, ზურაბ ანთაურის ხელმძღვანელობით ატაცში 139 კგ. დაძლია, ბრინჯაოს მედალი მოიპოვა და ევროპის პრიზიორი გახდა.
ძიმცეიშვილმა აკვრაში დაძლეული 175 კილოგრამით ოქროს მედალი მოიპოვა და ევროპის ჩემპიონი გახდა , ძიმცეიშვილმა ასევე ევროპის რეკორდის დამყარებაც შეძლო, ძალოსამა ჩემპიონობა იზეიმა ორჭიდში მოგროვილი 314 კილოგრამითაც“, - აღნიშნულია გავრცელებულ ინფორმაციაში.
