„ყველა ჩემი როლი მიყვარს, გული არაფერზე მწყდება. ერთმანეთისგან განსხვავებული ხასიათის გმირები არ მითამაშია, კინოსაც ისე უმტკივნეულოდ ჩამოვშორდი, როგორც ბალეტს. ჩემს ცხოვრებაში შვილები გაჩნდნენ და ამან ყველაფერი შეცვალა. თუმცა ხანდახან როცა დავფიქრდები, გული მწყდება, მგონია კინოს არ უნდა ჩამოვშორებოდი, გული მწყდება, მაგრამ ამაზე საუბარი გვიანია... მიმაჩნია, რომ გამიმართლა, რადგან ბედმა ბევრი საინტერესო გმირის თამაში მარგუნა“, - ეს სიტყვები მსახიობ ლეილა ყიფიანს ეკუთვნის, ერთ-ერთ ყველაზე ლამაზ ქალს ქართულ კინოში, რომელმაც ეკრანზე გამოჩენისთანავე უდიდესი პოპულარობა მოიპოვა.
დღეს მსახიობი იუბილარია.
საკმარისია ახსენო ნოდარ დუმბაძის მოთხრობიდან „მე ვხედავ მზეს“ ხატია და ყველას თვალწინ უმშვენიერესი ლეილა ყიფიანი წარმოუდგება. ეს მისი სადებიუტო როლი იყო კინოში, ასეულობით კანდიდატს შორის რეჟისორმა გამოარჩია.
ლეილა ყიფიანი 1947 წლის 16 ივლისს, ლანჩხუთში დაიბადა. მამა გიორგი ყიფიანი ცნობილი ქირურგი გახლდათ, დედა ნინო ჯავახიშვილი დიასახლისი.
აგრეთვე დაგაინტერესებთ:
