პატარა გიორგისთან ერთა მყოფი მისი დედა მანანა ჯაჭვაძე და ბებიას მარინე ხორბალაძე მაშველებმა გარდაცვლილები იპოვეს.
მანანა ჯაჭვაძეს, რომელსაც 10-დღიანი ძებნის შემდეგ მიაკვლიეს, 15 აგვისტოს დაკრძალავენ.
„შოვის ტრაგედიის დროს გარდაცვლილ ჩვენი ოჯახის წევრს, მანანა ჯაჭვაძეს 10-დღიანი ძებნის შემდეგ მივაკვლიეთ…( მის პატარა ანგელოზს ჯერჯერობით ვერ)
მანანა დასვენებულია რუსთავში, მის: ყაზბეგის 2 გასასვლელი N:9, პანაშვიდი ორშაბათს 14 აგვისტოს, გადასვენება სამშაბათს 15 აგვისტოს 12 საათზე რუსთავიდან, საგარეჯოს რაიონის სოფელ ყანდაურაში, დაკრძალვა 2 საათზე.
ყველას დიდი მადლობა სამძიმრისთვის და ამ ტკივილის გაზიარებისთვის.
უფალმა გაგვაძლიეროს ამ მძიმე დროს…“, – წერს გიორგი ხორბალაძე სოციალურ ქსელში.
2023 წლის 3 აგვისტოს ონის მუნიციპალიტეტში, კურორტ შოვში მეწყერი ჩამოწვა. სტიქიური უბედურების შედეგად 24 დაღუპულს გლოვობს ქვეყანა. 9 ადამიანს ამ დრომდე ეძებენ, მათ შორის არიან ბავშვები.
ასევე დაგაინტერესებთ:
„ხანდახან მრცხვენია, რომ გადავრჩით” - მარიამის, შოთას და კოტიკოს ამბავი შოვიდან
🎥 „ბორჯღალოსნებმა“ რუმინეთთან სარეკორდო გამარჯვება შოვში დაღუპულთა ხსოვნას მიუძღვნეს
