ჰოლივუდის ვარსკვლავმა დემი მურმა კანის 2026 წლის კინოფესტივალზე კიდევ ერთი დაუვიწყარი მოდური ჩვენება მოაწყო. 63 წლის მსახიობმა წითელ ხალიჩაზე გამოჩენისთანავე მიიპყრო კრიტიკოსებისა და ფოტოგრაფების ყურადღება.
მსახიობი საზოგადოების წინაშე Balenciaga Haute Couture-ის ექსკლუზიური, მკვეთრი მწვანე (ზურმუხტისფერი) ელეგანტური კაბით წარდგა, რომელსაც მოცულობითი, ღია ფერის მოსასხამი აფორმებდა. ვარსკვლავის დახვეწილ იმიჯზე მისმა მრავალწლიანმა სტილისტმა, ბრედ გორესკიმ იზრუნა.
სადღესასწაულო ლუქის სრულყოფისთვის დემი მურმა „შოპარდის“ (Chopard) უმაღლესი კლასის საიუველირო ნაკეთობები შეარჩია - მასიური ზურმუხტის ყელსაბამი იდეალურად შეეხამა კაბის ფერსა და მის სილუეტს.
მოდის ექსპერტების შეფასებით დემი მურის წითელ ხალიჩაზე გამოჩენა, კინოფესტივალის ერთ-ერთ საუკეთესო და ყველაზე გემოვნებიან მომენტად იქცა.
