„კოალიცია ცვლილებისთვის“ ლიდერმა ნიკა გვარამიამ მარნეულის დროებითი მოთავსების იზოლატორი დატოვა.
მას თბილისის საქალაქო სასამართლომ 4 დეკემბერს 12-დღიანი ადმინისტრაციული პატიმრობა შეუფარდა.
ნიკა გვარამია პარტია „დროას“ ოფისთან ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციელის კანონიერი მოთხოვნის დაუმორჩილებლობას გულისხმობს.
სამართალდამცველები „დროას“ ოფისში ჩხრეკას ატარებდნენ, რა დროსაც ოფისის მიმდებარე ტერიტორიაზე ნიკა გვარამიასა და პოლიციას შორის დაპირისპირება მოხდა, რის შემდეგაც გვარამია სამართალდამცველებმა დააკავეს.
⭕ ასევე დაგაინტერესებთ:
