თბილისში, 22 ივლისს, ვერაზე სროლის შედეგად დაჭრილი ორი ახალგაზრდის ჯანმრთელობის მდგომარეობა სტაბილურია. როგორც კლინიკა „ჰელსიკორის“ აღმასრულებელმა დირექტორმა, შმაგი ჭიოკაძემ განაცხადა, ისინი კლინიკას, სავარაუდოდ, რამდენიმე დღეში დატოვებენ.
„ორივე ახალგაზრდა გაცილებით უკეთ არის. ოპერაციამ წარმატებით ჩაიარა. რამდენიმე დღე იქნებიან კლინიკაში და მალე ალბათ კლინიკას დატოვებენ“, - განაცხადა შმაგი ჭიოკაძემ.
ვერაზე მომხდარი სასტიკი თავდასხმის საქმეზე დაკავებულ ნიკოლოზ კაპანაძეს ბრალს, სავარაუდოდ, დღეს, 24 ივლისს წაუყენებენ.
სამართალდამცველებმა გატარებული ოპერატიულ-სამძებრო და საგამოძიებო მოქმედებების შედეგად, ბრალდებული ცხელ კვალზე დააკავეს.
გამოძიება დამამძიმებელ გარემოებებში ჩადენილი განზრახ მკვლელობის მცდელობის ფაქტზე მიმდინარეობს.
ასევე დაგაინტერესებთ:
⭕„ფულის და დოკუმენტების დაკარგვა, უსიამოვნებები მგზავრობისას“ - 24 ივლისის პროგნოზი ფენშუის მიხედვით
