ქართული თეატრისა და კინოს მსახიობი, საქართველოს დამსახურებული არტისტი, საქართველოს სახალხო არტისტი, ღირსების ორდენის კავალერი კარლო საკანდელიძე 2025 წლის 1 აპრილს 97 წლის გახდებოდა.
კარლო საკანდელიძის კინოდებიუტი 1955 წელს „მაგდანას ლურჯაში“ შედგა. თენგიზ აბულაძისა და რეზო ჩხეიძის გადაღებულ ფილმში მან ვანოს როლი შეასრულა. ამ ფილმმა „საუკეთესო მოკლემეტრაჟიანი ფილმისთვის“ კანის ფესტივალზე ოქროს პალმის რტო დაიმსახურა. მეორე მნიშვნელოვანი ფილმი იყო „დათა თუთაშხია“, სადაც მან ნიკანდრო ქირია განასახიერა.
იგი 1928 წელს დაიბადა. მოღვაწეობდა რუსთაველის თეატრში. მისი მნიშვნელოვანი როლებია: გოგია (ლოსვეს ამბავი), გიო (ტარიელ გოლუა), ოსიკო ხარებაძე (შემოდგომის აზნაურები), კუჩარა (ყვარყვარე თუთაბერი), ტოშეკი (რა სიყვარული), ჭინჭრაქა (ჭინჭრაქა), ბუთხუზა (ძველი ყომარბაზები), არისტო ქვაშავაძე (სამანიშვილის დედინაცვალი), გლეხი და ქმარი (კავკასიური ცარცის წრე), კეტსბი (რიჩარდ III), სკრუჯი (შობის ღამის სიზმარი).
კარლო საკანდელიძე 82 წლის ასაკში, ხანგრძლივი ავადმყოფობის შედეგად 2010 წლის 29 ოქტომბერს გარდაიცვალა. მისი ვარსკვლავი 2008 წელს რუსთაველის თეატრის წინ გაიხსნა.
თემაზე სიუჟეტი გადაცემაში „იმედის დილა“ მოამზადეს, სადაც მსახიობი გაიხსენეს:
⭕ ასევე დაგაინტერესებთ:
⭕საქონლის ან ცხვრის ძვლის ტვინი - რამდენად საშიშია მისი ჭამა?
🎥 „ვულოცავ ჩემს საამაყო ძმას...“ - როგორ აღნიშნა და როგორ მიულოცეს გიორგი კალანდიას 50 წლის იუბილე?
